राष्ट्रिय सभा सदस्यमा एमालेका दसौदी निर्वाचित

राष्ट्रिय समाचार

Home
राष्ट्रिय समाचार
राष्ट्रिय सभा सदस्यमा एमालेका दसौदी निर्वाचित

राष्ट्रिय सभा सदस्यमा एमालेका दसौदी निर्वाचित

निर्वाचित दसौदी

राष्ट्रिय सभा सदस्य उपचुनावमा नेकपा एमालेका कुमार दसौदी विजयी हुनुभएको छ । सत्ता साझेदार दलको तर्फबाट साझा उम्मेदवार दसौदीले ४ हजार २६ मत प्राप्त गर्दै निर्वाचित हुनुभएको मुख्य निर्वाचन अधिकृत कृपासुर कार्कीले बताउनु भयो ।

नेपाली कांग्रेसका माधव आचार्यले ३ हजार ७ सय २० मत प्राप्त गर्नु भयो भने नागरिक उन्मुक्ति पार्टीका राजेन्द्रवीर रायले एक सय ९२ मत प्राप्त गर्नु भएको छ । प्रदेश सभातर्फ तीन मत भने बदर भएको छ । नेकपा एमालेबाट निर्वाचित खिमलाल भट्टराईले राजिनामा दिएपछि रिक्त रहेको पदको उपचुनाव भएको हो । चुनावमा ३ सय ५ जना मतदाता रहेकामा ३ सय ४ मत खसेको छ।

दसौदीको प्रस्तावक नेकपा माओवादी केन्द्रबाट निर्वाचित गढवा गाउँपालिकाका अध्यक्ष यमनारायण पोख्रेलले गर्नु भएको थियो भने समर्थकमा राष्ट्रिय प्रजातन्त्र पार्टीका प्रदेश सभा सदस्य मीनाकुमारी श्रेष्ठ हुनुहुन्थ्यो ।

नागरिक उन्मुक्ति पार्टीका राय स्थायी घर सल्यान भई अहिले बाँकेमा बसोबास गर्दै आउनुभएको थियो । रायको प्रस्तावकमा उन्मुक्तिका सांसद राजकुमार चौधरी र समर्थकमा प्रदेश सभा सदस्य धर्मबहादुर चौधरी हुनुहुन्थ्यो ।

कांग्रेसबाट रोल्पाका माधवप्रसाद आचार्यले मनोनयन दर्ता गर्दा उहाँको प्रस्तावकमा बङ्गलाचुली गाउँपालिकाका उपाध्यक्ष भक्तबहादुर जिसी र समर्थकमा लमही नगरपालिकाका मेयर जोगराज चौधरी हुनुहुन्थ्यो ।

प्रकाशित मिति: बुधबार, माघ २५, २०७९ १६:४१

प्रतिक्रिया दिनुहोस्