सन्दीप लामिछानेविरुद्धको मुद्दा न्यायाधीश प्रकाशप्रसाद पण्डितको इजलासमा

राष्ट्रिय समाचार

Home
राष्ट्रिय समाचार
सन्दीप लामिछानेविरुद्धको मुद्दा न्यायाधीश प्रकाशप्रसाद पण्डितको इजलासमा

सन्दीप लामिछानेविरुद्धको मुद्दा न्यायाधीश प्रकाशप्रसाद पण्डितको इजलासमा

फाईल फोटो

क्रिकेटर सन्दीप लामिछानेविरुद्धको जबरजस्ती करणी मुद्दा न्यायाधीश प्रकाशप्रसाद पण्डितको इजलासमा परेको छ । नाबालिग बलात्कारको कसुरमा क्रिकेटर लामिछानेविरुद्ध २०७९ कात्तिक १४ गते अदालतमा मुद्दा परेको थियो ।

यसअघि न्यायाधीश राजुकुमार खतिवडाको इजलासले पीडित गौशाला २६ र उनको आमाको समेत उमेर विवाद देखिएको भन्दै गत साता गौशाला २६ को परिवारले बसाईसराई गर्दा पेश गरेको कागजातको प्रमाणित प्रतिलिपि र उनकी आमाको उमेर खुल्ने कागजात अदालतमा पेश गर्न आदेश दिएका थिए ।

त्यससँगै क्रिकेटर सन्दीप लामिछानेले बयानका क्रममा अदालतमा बुझाएको किशोरीको जन्म दर्ता किताबको प्रतिलिपिको जाँच गर्न पनि इजलासले आदेश दिएको थियो ।

अदालतको आदेशअनुसार सन्दीपले बयान दिने क्रममा किशोरीको जन्म दर्ता किताबको प्रतिलिपि आफूलाई कुनै शुभेच्छुकले दिएको र त्यसको आधिकारिकता थाहा नभएको तर मुद्दाका क्रममा महत्त्व राख्न सक्छ भनेर बुझाएको बयान दिएका थिए ।

प्रकाशित मिति: आइतबार, भदौ १०, २०८० ११:२२

प्रतिक्रिया दिनुहोस्