आज आठौं संविधान दिवस, विभिन्न कार्यक्रम गरी मनाउँदै

राष्ट्रिय समाचार

Home
राष्ट्रिय समाचार
आज आठौं संविधान दिवस, विभिन्न कार्यक्रम गरी मनाउँदै

आज आठौं संविधान दिवस, विभिन्न कार्यक्रम गरी मनाउँदै

संविधान दिवस २०८० आज देशभर विभिन्न कार्यक्रम गरी मनाइँदैछ । देशभर हर्षोउल्लास पूर्वक विभिन्न कार्यक्रम गरी संविधान दिवस मनाइँदै छ । आज काठमाण्डौंको टुँडिखेलमा आयोजना हुने संविधान दिवस सम्बन्धी कार्यक्रममा राष्ट्रपति रामचन्द्र पौडेल सहभागी हुनु हुनेछ । यता पश्चिम नवलपरासीमा पनि संविधान दिवस कार्यक्रम तीन दिनसम्म मनाइएको छ । मंगलबार मैत्रिपूर्ण फूटवल खेल गरी मनाइयो भने आज विहानै परासीमा प्रभातफेरी गरी मनाइदैछ ।

Damkal Sewa

सङ्घीय लोकतान्त्रिक गणतन्त्र नेपालका प्रथम राष्ट्रपति डा रामवरण यादवले २०७२ असोज ३ गते ‘नेपालको संविधान २०७२’ जारी भएको घोषणा गर्नुभएको थियो । संविधान निर्माण भएर कार्यान्वयनमा आएको आज आठ वर्ष पूरा भएको छ ।
नयाँ संविधान लागू भएको घोषणासँगै नेपालको अन्तरिम संविधान २०६३ खारेज भएको थियो । सङ्घीयता, धर्म निरपेक्षता, सङ्घीय लोकतान्त्रिक गणतन्त्रात्मक शासन व्यवस्था लगायतका नयाँ व्यवस्था राखिएको यो संविधान जारी हुँदा संविधानसभाको प्रक्रियामा सहभागी दलका पाँच सय ३७ जना सभासदले हस्ताक्षर गर्नुभएको थियो । ‘नेपालको संविधान, २०७२’ मा ३५ भाग ३०८ धारा र ९ अनुसूची रहेका छन् ।

galaxy parasi