कार्यदलद्धारा तयार पारिएको सरकारको न्यूनतम साझा कार्यक्रमको मस्यौदा शीर्ष नेताहरुलाई बुझाइयो

राष्ट्रिय समाचार

Home
राष्ट्रिय समाचार
कार्यदलद्धारा तयार पारिएको सरकारको न्यूनतम साझा कार्यक्रमको मस्यौदा शीर्ष नेताहरुलाई बुझाइयो

कार्यदलद्धारा तयार पारिएको सरकारको न्यूनतम साझा कार्यक्रमको मस्यौदा शीर्ष नेताहरुलाई बुझाइयो

सरकारको काम कारवाहीलाई प्रभावकारी बनाउन सत्ता साझेदार दलले शनिवार न्यूनतम साझा कार्यक्रमको मस्यौदा बुझाएका छन् । सत्ता साझेदार दलहरुले यही पुष १४ गते कार्यदल निर्माण गरेका थिए । नेकपा (एमाले)का उपाध्यक्ष समेत रहनुभएका उपप्रधान एवं अर्थमन्त्री विष्णु पौडेलको संयोजकत्वमा नेकपा (माओेवादी केन्द्र) का उपमहासचिव वर्षमान पुन, राष्ट्रिय स्वतन्त्र पार्टीका महामन्त्री मुकुल ढकाल र राष्ट्रिय प्रजातन्त्र पार्टी धवलशम्सेर राणा र जनता समाजवादी पार्टीका रकम चेम्जोङ सदस्य हुनुहुन्थ्यो ।

कार्यदलले प्रधानमन्त्री एवं माओवादी केन्द्रका अध्यक्ष पुष्पकमल दाहाल ‘प्रचण्ड’, एमाले अध्यक्ष केपी शर्मा ओली, उपप्रधानमन्त्री एवं गृहमन्त्री तथा राष्ट्रिय स्वतन्त्र पार्टीका सभापति रवि लामिछाने, राप्रपाका अध्यक्ष राजेन्द्र लिङ्देन, जनमत पार्टीका अध्यक्ष सिके राउत, नागरिक उन्मुक्ति पार्टीका अध्यक्ष रञ्जिता चौधरी श्रेष्ठलगायतका शीर्षनेताहरूलाई आफ्नो प्रतिवेदन बुझाएको हो ।

प्रतिवेदनमा सरकार प्रभावकारीरूपमा सञ्चालन गर्न सरकारका प्राथमिकता निर्धारण गरिनुका साथै सामाजिक न्याय, सुशासन र समृद्धिका क्षेत्रका विविध विषयहरू समेटिएको कार्यदलका सदस्य वर्षमान पुनले जानकारी दिनुभयो । शीर्षनेताले मस्यौदा बुझेपछि त्यसलाई आवश्यक अध्ययन गरेर सार्वजनिक गरिने बताएका छन् ।

प्रकाशित मिति: शनिबार, पुस २३, २०७९ २१:००