यूएनका महासचिव गुटेरेस नेपालमा, चार दिनको भ्रमण कार्यतालिका

राष्ट्रिय समाचार

Home
राष्ट्रिय समाचार
यूएनका महासचिव गुटेरेस नेपालमा, चार दिनको भ्रमण कार्यतालिका

यूएनका महासचिव गुटेरेस नेपालमा, चार दिनको भ्रमण कार्यतालिका

galaxy parasi

आइतबार राती १ बजे संयुक्त राष्ट्रसंघ(यूएन)का महासचिव एन्टोनियो गुटेरेस नेपाल आउनु भएको छ । महासचिव गुटेरेसलाई त्रिभुवन अन्तर्राष्ट्रिय विमानस्थलमा परराष्ट्रमन्त्री एनपी साउदले स्वागत गर्नु भएको हो ।

महासचिव गुटेरेसलाई प्रधानमन्त्री पुष्पकमल दाहाल प्रचण्डले सेप्टेम्बर १७ मा संयुक्त राष्ट्रसंघको ७८ औं महासभामा भेटेरै नेपाल भ्रमणको निम्तो दिनु भएको थियो । महासचिव गुटेरेस पोर्चुगलका पूर्वप्रधानमन्त्री हुनु हुन्छ भने महासचिवका रूपमा उहाँको यो दोस्रो कार्यकाल हो ।

महासचिव गुटेरेसको नेपाल भ्रमणका महत्त्वपूर्ण एजेन्डाहरूमा विश्व शान्ति र नेपालको शान्ति प्रक्रिया, जलवायु परिवर्तन र हिमालयले भोगिराखेको समस्या तथा विश्व शान्तिको प्रतीक गौतम बुद्धको जन्मस्थल लुम्बिनीको अन्तर्राष्ट्रियकरण र दिगो विकासका लक्ष्य रहेको बताइएको छ ।

महासचिव गुटेरेस कात्तिक १३ गते सोमबार जलवायु परिवर्तनको असरलाई बुझ्न सोलुखुम्बुको स्याङ्बोचेसम्म अवलोकन गर्न पुग्ने कार्यक्रम छ । कात्तिक १४ गते मंगलबार गुटेरेस पोखराबाट बिहान अन्नपूर्ण सर्किट अवलोकनपछि पोखरा फर्केर पुरानो विमानस्थलमा पत्रकार सम्मेलन गर्ने र त्यसलगत्तै गौतम बुद्धको जन्मस्थल लुम्बिनी भ्रमणको योजना वनेको छ ।

लुम्बिनीबाट काठमाडौं फर्के लगत्रै मंगबार नै बेलुकी संघीय संसद्को दुवै सदनलाई सम्बोधन गर्ने कार्यक्रम तय भएको छ । कात्तिक १५ गते बुधबार महासचिव गुटेरेस नेपालको आफ्नो चारदिने भ्रमण पूरा गरी फर्कने कार्यक्रम रहेको बताइएको छ ।

Diraj Treders