लुम्बिनी प्रदेश नयाँ सरकार गठनको तयारीमा

राष्ट्रिय समाचार

Home
राष्ट्रिय समाचार
लुम्बिनी प्रदेश नयाँ सरकार गठनको तयारीमा

लुम्बिनी प्रदेश नयाँ सरकार गठनको तयारीमा

फोटो फाइल

सोमबार प्रदेशको स्थायी राजधानी देउखुरीको मुख्यमन्त्री तथा मन्त्रीपरिषद्को कार्यालयमा दिउँसो २ बजेदेखि प्रदेश सरकार गठन गर्नका लागि सत्तारुढ दलहरुबीच छलफल चलिरहेको छ ।सत्तारुढ दलका शीर्ष नेताले केन्द्रदेखि प्रदेशसम्म भागबण्डा टुंग्याएसँगै लुम्बिनी प्रदेशमा पनि नयाँ सरकार गठनको तयारी सुरु भएको छ । प्रदेश प्रमुख अमिक शेरचनले मुख्यमन्त्रीमा दावी पेश गर्न २७ पुससम्मको समय दिएका छन् ।आइतबार सत्तारुढ दलका शीर्ष नेताहरुबीच लुम्बिनी सरकारको नेतृत्व एमालेले पाउने सहमति भएपसँगै एमालेले अन्य दलहरुसँग छलफल अघि बढाएको छ ।

मुख्यमन्त्रीको प्रेस सल्लाहाकार मानसिंह विश्वकर्माले सरकार गठनका प्रराम्भिक तयारीबारे सत्तारुढ दलहरुको बैठक चलिरहेको बताए । बैठकमा नेकपा एमाले, नेकपा माओावादी केन्द्र, राप्रपा र नागरिक उन्मुक्ति पार्टी, जनमत र जनता समाजवादी पार्टी सहभागी छन् ।

केन्द्रबाट मुख्यमन्त्री, सभामुख र उपसभामुख कुन दलले पाउने भन्ने टुंगो लागे पनि मन्त्रालय बाँडफाँड लगायतका कुरा कसरी मिलाउने भन्नेबारे दलहरु छलफलमा जुटेका छन् । सत्तारुढ दलले केन्द्रबाट गरेको निर्णय अनुसार लुम्बिनीमा एमालेले मुख्यमन्त्री, माओवादी केन्द्रले सभामुख र राप्रपाले उपसभामुख पाउने गरी भागबण्डा टुंगिएको छ ।

लुम्बिनीमा ८७ जना प्रदेश सांसद छन् । जसमा सरकार गठनका लागि ४४ जनाको आवश्यक्ता पर्छ । सत्तारुढ दलसँग एमालेका २९, माओवादी केन्द्रका १०, राष्ट्रिय प्रजातन्त्र पार्टी (राप्रपा) र नागरिक उन्मुक्तिको ४/४, जसपाका ३, जनमत पार्टीका ३ जना गरी ५३ सांसद छन् ।

प्रकाशित मिति: सोमबार, पुस २५, २०७९ १६:५३

प्रतिक्रिया दिनुहोस्