नेपालको प्रशासनिक इतिहासमा पहिलो महिला मुख्यसचिव लीलादेवी गड्तौला

राष्ट्रिय समाचार

Home
राष्ट्रिय समाचार
नेपालको प्रशासनिक इतिहासमा पहिलो महिला मुख्यसचिव लीलादेवी गड्तौला

लीलादेवी गड्तौला पहिलो महिला मुख्यसचिव नेपालको प्रशासनिक इतिहासमा पहिलो महिला मुख्यसचिव लीलादेवी गड्तौला

सम्वाददाता । नेपालको प्रशासनिक इतिहासमा लीलादेवी गड्तौला पहिलो महिला मुख्यसचिव बन्नुभएको छ । निजामति सेवामा प्रवेश गरेको झन्डै ३० वर्षपछि गड्तौला मुख्यसचिव बन्नु भएको हो । संघीय तहका ५० हजारभन्दा बढी निजामति कर्मचारीको नेतृत्व अब गड्तौलाले गर्नु हुने छ ।

मन्त्रिपरिषद्को बिहिवार बसेको बैठकले गड्तौलालाई कामु मुख्यसचिवबाट बढुवा गरी मुख्यसचिव बनाउने निर्णय गरेको सरकारका प्रवक्ता एवं सञ्चार तथा सूचना प्रविधिमन्त्री पृथ्वी सुब्बा गुरूङले जानकारी दिनुभयो ।

मुख्यसचिवले प्रधानमन्त्री तथा मन्त्रिपरिषद्को कार्यालयको प्रशासकीय प्रमुखको रुपमा कार्य सम्पादन गर्ने, मन्त्रालयका सचिव तथा विशिष्ट श्रेणीका अधिकृतको कार्य सम्पादन सुपरिवेक्षण गर्ने र आवश्यक निर्देशन दिने जिम्मेवारी तोकिएको हुन्छ । त्यस्तै मन्त्रिपरिषद्का निर्णय कार्यान्वयन गर्ने गराउने र कार्यान्वयनको सुपरिवेक्षण जिम्मेवारी पनि मुख्यसचिवलाई दिइएको छ ।

उमेर हदका कारण आगामी भदौ १५ गतेबाट सेवा निवृत्त हुने भएकाले गड्तौलाले झन्डै ३५ दिन मुख्यसचिवको रुपमा काम गर्नुहुनेछ । २०५२ सालमा गड्तौला न्याय सेवा अन्तर्गत कानुन समूहबाट शाखा अधिकृत बन्नुभएको थियो ।

मुख्यसचिवमा नियुक्त भएसँगै गड्तौलाले इमान्दार भएर काम गरेमा कही न कही मूल्याङ्कन र अवसर प्राप्त हुने रहेछ भन्ने सन्देश समस्त निजामति कर्मचारीमा गएको बताउनु भयो । मुख्यसचिव गड्तौलाले महिलालाई माथिल्लो तहको जिम्मेवारीमा दिन हिचकिचाउँछन् भन्ने भाष्य परिवर्तन गर्नु पर्ने बताउनु भयो ।

प्रकाशित मिति: बिहीबार, साउन १०, २०८१ २१:२३

प्रतिक्रिया दिनुहोस्