लुम्बिनी प्रदेशका मुख्यमन्त्री आचार्यद्वारा कर्मचारीकालाई १४ बुँदे निर्देशन जारी

राष्ट्रिय समाचार

Home
राष्ट्रिय समाचार
लुम्बिनी प्रदेशका मुख्यमन्त्री आचार्यद्वारा कर्मचारीकालाई १४ बुँदे निर्देशन जारी

लुम्बिनी प्रदेशका मुख्यमन्त्री आचार्यद्वारा कर्मचारीकालाई १४ बुँदे निर्देशन जारी

बुटवल । लुम्बिनी प्रदेश सरकारका मुख्यमन्त्री चेतनारायण आचार्यले कर्मचारीलाई कामको नतिजा खोजी गर्न १४ बुँदे निर्देशन जारी गर्नु भएको छ । उहाँले यसअघि मन्त्रीपरिषदका सदस्यहरुलाई पनि कामको नतिजाकालागि आचारसंहिता जारी गर्नु भएको थियो ।

मन्त्रालय र मातहतका कार्यालयका कर्मचारीले काम गर्दा प्रभावकारी नगरेको गुनासो सेवाग्रहीबाट आउन थाल्दा सरकारप्रति नै आलोचन बढ्दै गएपछि आचार्यले कर्मचारीलाई १४ बुँदे निर्देशन जारी गर्नु भएको हो । यो निर्देशन मन्त्रालयका सचिवदेखि तल्लो तहका कर्मचारीमा र प्रदेश सरकार अन्तर्गतका जिल्लास्थित सरकारी कार्यालयमा पनि निर्देशन लागू हुनेछ ।

मन्त्रालय र कार्यालयमा कर्मचारीले बाहनाबाजी गर्ने, काम नगर्ने, सेवाग्राहीको समस्या नसुन्ने, सम्बोधन नगर्ने जस्ता समस्या आउन नदिन र आर्थिक अनुशासन एवं मितव्ययिता कायम गर्न मुख्यमन्त्री आचार्यले निर्देशन जारी गर्नु भएको हो । जारी निर्देशनले सेवालाई प्रभावकारी, चुस्तदुरुस्त र मुस्कान सहितको सेवा बन्ने अपेक्षा मुख्यमन्त्रीको रहेको छ ।

प्रदेश सरकारले चालु आर्थिक वर्षको नीति तथा कार्यक्रम एवं वार्षिक बजेट कार्यान्वयन सुरु गरेको छ । नीति तथा कार्यक्रम र बजेटको उद्देश्य प्राप्तिका लागि प्रदेश सरकारका निकाय तथा कार्यालयले वार्षिक कार्यक्रमको कार्ययोजना बनाएर कार्यान्वयनको चरणमा लगेका हुन् । बजेट तथा कार्यक्रमको प्रभावकारी कार्यान्वयनको लागी निर्देशन जारी गरिएको छ ।