लुम्बिनी र गण्डकी प्रदेश सरकारबीच प्रदेश स्तरीय सहकार्यलाई सुदृढ गर्ने सहमति, २१ बुँदे साझा प्रतिबद्धतामा हस्ताक्षर

राष्ट्रिय समाचार

Home
राष्ट्रिय समाचार
लुम्बिनी र गण्डकी प्रदेश सरकारबीच प्रदेश स्तरीय सहकार्यलाई सुदृढ गर्ने सहमति, २१ बुँदे साझा प्रतिबद्धतामा हस्ताक्षर

लुम्बिनी र गण्डकी प्रदेश सरकारबीच प्रदेश स्तरीय सहकार्यलाई सुदृढ गर्ने सहमति, २१ बुँदे साझा प्रतिबद्धतामा हस्ताक्षर

बुटवल । लुम्बिनी प्रदेशका मुख्यमन्त्री चेतनारायण आचार्य र गण्डकी प्रदेशका मुख्यमन्त्री सुरेन्द्रराज पाण्डेले प्रदेश स्तरीय समन्वय र सहकार्यलाई सुदृढ गर्ने बताउनुभएको छ । दुवै मुख्यमन्त्रीहरूले प्रदेशको रणनीतिक विकासका लागि २१ बुँदे साझा प्रतिबद्धतामा हस्ताक्षर गर्नुभएको हो।

पाल्पा जिल्लाको रानी महलमा सम्पन्न भएको दुवै प्रदेशको बैठकले २१ बुँदे साझा प्रतिबद्धता निर्माण गरेको हो। साझा प्रतिबद्धतामा पाल्पाको रानी महलको प्रवर्द्धन र संरक्षण, दुवै प्रदेशका बीच हवाई सेवा विस्तार गरी नेपालगञ्ज र भैरहवादेखि जोमसोम विस्तार, अन्तर प्रदेश सडक सञ्जाल विस्तार, बुटवलदेखि पोखरासम्मको डेडिकेटेड दुई लेन विस्तार, भरतपुर देखि बुटवल र पोखरालाई त्रिभुज परियोजना निर्माण, दुवै प्रदेशको कृषि उत्पादनको बजारीकरणमा जोड, लुम्बिनी बुद्ध सर्किट ( तिलौराकोट लुम्बिनी र रामग्राम) को विकास, दुवै प्रदेशका पर्यटकीय र धार्मिक स्थल प्रवर्द्धन, पोखरालाई साहसिक, धार्मिक तथा स्वास्थ्य पर्यटकीय क्षेत्र विकास, लुम्बिनी प्रदेशमा थारु अवध नेवार तथा गण्डकी प्रदेशमा गुरुङ थकाली नेवार समुदाय विशेष पर्यटकीय पदमार्ग विस्तार लगायतका प्रतिबद्धतामा दुवै प्रदेशका मुख्यमन्त्रीहरूले हस्ताक्षर गर्नुभएको छ।

यसअघि पुष १२ गते लुम्बिनी प्रदेशका मुख्यमन्त्री आचार्यले कर्णाली प्रदेशका मुख्यमन्त्री यामलाल कण्डेलसँग पनि १९ बुदें साझा प्रतिबद्धतामा हस्ताक्षर गर्नुभएको थियो । मुख्यमन्त्री आचार्यले दुवै प्रदेशको आपसी समन्वय र सहकार्यबाट प्रभावकारी काम गर्न सकिने बताउनु भएको छ।

प्रकाशित मिति: बिहीबार, फागुन १, २०८१ ०७:०५

प्रतिक्रिया दिनुहोस्