सडकमा व्यथाले छट्पटिएकी चन्द्रालाई सुत्केरी गराउने प्रहरी जवान चन्द्रिका पुरस्कृत

राष्ट्रिय समाचार

Home
राष्ट्रिय समाचार
सडकमा व्यथाले छट्पटिएकी चन्द्रालाई सुत्केरी गराउने प्रहरी जवान चन्द्रिका पुरस्कृत

सडकमा व्यथाले छट्पटिएकी चन्द्रालाई सुत्केरी गराउने प्रहरी जवान चन्द्रिका पुरस्कृत

फाेटाे श्राेत। अनलाइन

कैलाली । कैलालीको गोदावरी नगरपालिका–१ मा सडकमा व्यथाले छट्पटाइरहेको अवस्थामा भेटिएकी महिलालाई सुत्केरी गराउने प्रहरी जवानलाई पुरस्कृत गरिएको छ ।

जिल्ला प्रहरी कार्यालय कैलालीले बुधबार प्रहरी जवान चन्द्रिका देउवालाई प्रसंशा पत्र र रेकर्डमा जानेगरी पुरस्कृत गरेको हो । कैलालीका प्रमुख प्रहरी उपरीक्षक(एसपी) बाल नरसिंह राणाले देउवालाई प्रशंसा पत्रसहित पुरस्कृत गर्नु भएको हो ।

राणाले प्रहरी चौकी खैरानामा कार्यरत प्रहरी जवान देउवाले सडकमा छट्पटिरहेको अवस्थामा गर्भवती महिलालाई सुरक्षित प्रसुती गराउन सघाएर सुरक्षित रूपमा अस्पतालसम्म पुर्याएर उत्कृष्ट कार्य गरेकाले पुरस्कृत गरिएको उहाँले बताउनु भयो ।

देउवाले मंगलबार गोदावरी नगरपालिका–१ को वसन्तपुरमा सडकमा छटपटाइरहेको अवस्थामा भेटिएकी बझाङको थलारा गाउँपालिकाकी चन्द्रा आचार्यलाई प्रसुती हुन सघाएकी थिइन्। देउवाकै सहयोगमा उनलाई सुरक्षित रूपमा अस्पताल पुर्याउनु भएको थियो ।