नव पुस्ता (जेन—जी) प्रदर्शनः १७ जनाको ज्यान गयो, २ सय भन्दा वढी घाईते

राष्ट्रिय समाचार

Home
राष्ट्रिय समाचार
नव पुस्ता (जेन—जी) प्रदर्शनः १७ जनाको ज्यान गयो, २ सय भन्दा वढी घाईते

नव पुस्ता (जेन—जी) प्रदर्शनः नव पुस्ता (जेन—जी) प्रदर्शनः १७ जनाको ज्यान गयो, २ सय भन्दा वढी घाईते

रुपन्देही जिल्ला प्रशासन कार्यालयले आज अपरान्ह ४ बजेदेखि राति १० बजेसम्म बुटवल र भैरहवा क्षेत्रमा करफ्यू आदेश जारी

काठमाण्डौं । नव पुस्ता (जेन—जी) को आन्दोलनले उग्ररुप लिएसँगै काठमाण्डौमा सोमबार १७ जनाको ज्यान गएको छ । बानेश्वरमा प्रदर्शनको क्रममा प्रहरीले शुरुमा पानीको फोहोरा, अश्रुग्यास र गोली चलाएको थियो ।

प्रहरीका अनुसार यो समाचार तयार पार्दासम्म ट्रमा सेन्टरमा ९, एभरेष्ट अस्पतालमा ३, सिभिल अस्पतालमा ३, त्रिवि शिक्षण अस्पतालमा १ र केएमसीमा १ जनाको ज्यान गएको हो । यस्तै विभिन्न अस्पतालमा २ सय १५ वढी घाइतेको उपचार चलिरहेको छ । जसमा १४ जना गंभीर घाईते रहेको बताइएको छ । उनीहरुको टाउको र छातीमा गोली लागेको छ ।

सरकारले सामाजिक सञ्जालमा लगाएको प्रतिबन्ध, भ्रष्ट्राचार अनियमितता र सरकारको विरोधमा नव पुस्ता (जेनजी)हरु देशभरका प्रमुख शहरहरुमा सडक आन्दोलनमा उत्रिएका हुन् ।

यसैबीच रुपन्देही जिल्ला प्रशासन कार्यालयले आज अपरान्ह ४ बजेदेखि राति १० बजेसम्म बुटवल र भैरहवा क्षेत्रमा करफ्यू आदेश जारी गरेको छ । प्रशासनले सर्वसाधारणलाई शान्ति कायम राख्न र तोकिएका क्षेत्रहरुमा नियमको पालन गर्न अनुरोध गरेको छ ।

प्रकाशित मिति: सोमबार, भदौ २३, २०८२ १७:४०

प्रतिक्रिया दिनुहोस्