पाकिस्तानको मस्जिदमा बम विस्फोट

प्रवास

Home
प्रवास
पाकिस्तानको मस्जिदमा बम विस्फोट

पाकिस्तानको मस्जिदमा बम विस्फोट

पाकिस्तानको उत्तरपश्चिम सहर पेशावरस्थित एक मस्जिदमा बम विस्फोट भएको छ । बम विस्फोट गरिँदा २८ जना मारिएका छन् भने १ सयभन्दा धेरै घाइते भएको बताइएको छ । अलजजिराको समाचार अनुसार पेशावरमा रहेको एक अस्पतालमा ७० जनाभन्दा धेरै घाइतेलाई उपचारका लागि ल्याइएको छ ।
पेशावर प्रहरी अधिकारीहरूले १५० जना जति मानिस घाइते भएको बताएका छन् । साथै विस्फोटका कारण मस्जिदको केही भाग भत्किएको बताइएको छ । तर कतिपय मानिसहरू भत्किएको संरचनाभित्र पुरिएर रहेको हुनसक्ने आशंका गरिएको छ ।
३०० जना मानिस क्षमताको उक्त मस्जिद विस्फोटको क्रममा मानिसले लगभग भरिएको पेशावर प्रहरी प्रमुख मुहम्मद इजाज खानले अन्तर्राष्ट्रिय मिडियालाई प्रतिक्रिया दिएका छन् । यद्यपि उक्त विस्फोट आत्मघाती हमला थियो कि बम आक्रमण थियो भन्नेबारे पनि यकिन भएको छैन । यसबारे अनुसन्धान गरिएको प्रहरीले जनाएको छ ।

# ekantipur

प्रकाशित मिति: सोमबार, माघ १६, २०७९ १७:५५

प्रतिक्रिया दिनुहोस्