आज शहिद दिवस मनाइँदै

राष्ट्रिय समाचार

Home
राष्ट्रिय समाचार
आज शहिद दिवस मनाइँदै

आज शहिद दिवस मनाइँदै

देशको स्वतन्त्रता, लोकतन्त्र र परिवर्तनका लागि जीवन उत्सर्ग गर्ने वीर शहिदहरूको संझनामा आज देशभर शहिद दिवस मनाइँदैछ। हरेक वर्ष माघ १६ गते मनाइने यस दिवसमा विभिन्न कार्यक्रममार्फत शहिदहरूप्रति श्रद्धाञ्जली अर्पण गरिन्छ।

शहिद दिवसको अवसरमा काठमाण्डौ स्थित शहिद स्मारकमा माल्यार्पण, श्रद्धाञ्जली सभा तथा विविध कार्यक्रमहरू आयोजना गरिएको छ। राष्ट्रपति, प्रधानमन्त्री, राजनीतिक दलका नेता, सामाजिक संघसंस्था तथा सर्वसाधारणले शहिदहरूको योगदानको स्मरण गर्दै उनीहरूले देखाएको त्याग र बलिदानबाट प्रेरणा लिनुपर्ने बताएका छन्।

शहिदहरूको बलिदानकै कारण देशमा लोकतान्त्रिक व्यवस्था स्थापना सम्भव भएको भन्दै सरकारले शहिदको सपना साकार पार्न प्रतिबद्ध रहने जनाएको छ। सहिद दिवसको अवसरमा सरकारले आज सार्वजनिक विदा दिएको छ ।

यस्तै देशका विभिन्न कालखण्डमा भएको अभियान र आन्दोलनहरूमा बलिदानी दिने सहिदहरूलाई स्मरण गर्ने र विभिन्न रचनात्मक कार्यक्रमको आयोजना गर्ने पनि प्रचलन छ । नवलपरासीमा २०६२।०६३ सालको जनआन्दोलनमा विष्णुप्रसाद पाण्डे र मधेश आन्दोलनका क्रममा जनदिश पासवान सहिद हुनु भएको थियो ।

प्रकाशित मिति: शुक्रबार, माघ १६, २०८२ ०९:२२

प्रतिक्रिया दिनुहोस्