रुपन्देही, नवलपरासी र कपिलवस्तुबाट उमराह यात्रामा गएका २६ नेपाली साउदी अरबमै अलपत्र

राष्ट्रिय समाचार

Home
राष्ट्रिय समाचार
रुपन्देही, नवलपरासी र कपिलवस्तुबाट उमराह यात्रामा गएका २६ नेपाली साउदी अरबमै अलपत्र

रुपन्देही, नवलपरासी र कपिलवस्तुबाट उमराह यात्रामा गएका २६ नेपाली साउदी अरबमै अलपत्र

नवलपरासी । उमराह गर्न साउदी अरब गएका २६ नेपाली स्वदेश फर्किने क्रममा उतै रोकिएर अलपत्र परेका छन् । मध्यपूर्वमा बढेको क्षेत्रीय तनावका कारण केही अन्तर्राष्ट्रिय उडान प्रभावित भएपछि उनीहरूको निर्धारित फ्लाइट रद्द भएको हो । मुस्लिम धर्मावलम्बीका अनुसार आफ्नो जीवनकालमा एकपटक उमराहका लागि साउदी अरबजाने प्रचलन रहेको छ।

परराष्ट्र मन्त्रालयका अनुसार ती यात्रुहरू रुपन्देही, नवलपरासी र कपिलवस्तु क्षेत्रबाट गएका थिए । मदिनाबाट सारजहा हुँदै काठमाडौं फर्कने टिकट भए पनि उडान नहुँदा उनीहरू लामो प्रतीक्षामा बस्न बाध्य भएका हुन् । नवलपरासीबाट उमराहका लागि ६ जना मुस्लिमहरू गएको मुस्लिम अगुवा हैदर अलि मोमिनले बताउनुभयो ।

वैकल्पिक मार्गका रूपमा ढाका हुँदै नेपाल फर्किने सम्भावनाबारे ट्राभल एजेन्सीसँग समन्वय गर्न सुझाव दिइएको छ । नेपाली महावाणिज्य दूतावासलाई यात्रुहरूको खानाबस्न तथा आवश्यक सहयोग व्यवस्थापनका लागि अनुरोध गरिएको छ ।

दूतावासले सीमित स्रोत रहेको जनाउँदै एयरलाइन्स र स्थानीय नेपाली समुदायसँग सहकार्य गरेर समाधान खोज्ने प्रयास भइरहेको जानकारी दिएको छ ।

प्रकाशित मिति: बुधबार, फागुन २०, २०८२ ०६:०५

प्रतिक्रिया दिनुहोस्