हेटौडामा सहकारी कार्यालयभित्रै सहकारीकी व्यवस्थापक गम्भीर अवस्थामा फेला

राष्ट्रिय समाचार

Home
राष्ट्रिय समाचार
हेटौडामा सहकारी कार्यालयभित्रै सहकारीकी व्यवस्थापक गम्भीर अवस्थामा फेला

हेटौडामा सहकारी कार्यालयभित्रै सहकारीकी व्यवस्थापक गम्भीर अवस्थामा फेला

काठमाण्डौं । मकवानपुरकै ठूलो सहकारी हेटौँडामा रहेको हेटौँडा बचत तथा ऋण सहकारीमा कार्यरत कायममुकायम व्यवस्थापक कार्यालयकै बन्द कोठाभित्र गम्भीर अवस्थामा भेटिएकी छन् । ढोका तोडेर उद्धार गरिएकी उहाँलाई उपचारका लागि चितवन पुर्याइएको छ ।

परिवारले सहकारीका केही पदाधिकारीबाट निरन्तर मानसिक दबाब, दुव्र्यवहार र धम्की दिइएको आरोप लगाउँदै ७ जनाविरुद्ध प्रहरीमा उजुरी दिएका छन् । सहकारीका निवर्तमान अध्यक्ष इन्द्रबहादुर बस्नेत, वर्तमान अध्यक्ष राजु वाइबा, राजन थापा, कृष्णप्रसाद दाहाल, कुलप्रसाद त्रिपाठी, नवराज खतिवडा र सुशील सुवेदीविरुद्ध उजुरी परेको हो ।

घटनास्थलबाट ‘अलबिदा’ लेखिएको बहुपृष्ठीय नोटसमेत भेटिएको बताइएको छ । जसमा उनले आफूले भोगेका समस्या उल्लेख गरेको दाबी गरिएको छ ।

सहकारी पक्षले भने आरोप अस्वीकार गर्दै आन्तरिक जिम्मेवारी र काम बाँडफाँटसम्बन्धी विवादका कारण समस्या उत्पन्न भएको बताएको छ । प्रहरीका अनुसार पीडितको स्वास्थ्य अवस्था सुधार भएपछि दुवै पक्षलाई राखेर थप प्रक्रिया अघि बढाइनेछ ।

(दैनिक नेपाल)

प्रकाशित मिति: आइतबार, वैशाख १३, २०८३ १५:२५

प्रतिक्रिया दिनुहोस्