कांग्रेस संसदीय दलको नेतामा देउवा र थापाको उम्मेदवारी

संघीय सरकार

Home
संघीय सरकार
कांग्रेस संसदीय दलको नेतामा देउवा र थापाको उम्मेदवारी

कांग्रेस संसदीय दलको नेतामा देउवा र थापाको उम्मेदवारी

काठमाडौं — नेपाली कांग्रेस संसदीय दलको नेताका लागि सभापति शेरबहादुर देउवा र महामन्त्री गगन थापाले उम्मेदवारी दर्ता गराउनु भएको छ । सिंहदरबारस्थित पार्टी संसदीय दलको कार्यालयमा पुगेर देउवा र थापाले उम्मेदवारी दर्ता गराउनु भएको हो । देउवाको प्रस्तावकमा रामचन्द्र पौडेल र पूर्णबहादुर खड्का समर्थकमा बस्नु भएको छ ।

त्यस्तै महामन्त्री थापाको उम्मेदवारीमा नेता शेखर कोइराला प्रस्तावक बन्नु भएको छ भने उपसभापति धनराज गुरुङ, महामन्त्री विश्वप्रकाश शर्मा र नेता प्रदीप पौडेलले समर्थन गर्नु भएको हो । कांग्रेस संसदीय दलको नेताको लागि बुधबार विहान ८ बजेदेखि १० बजेसम्म मतदान हुँदैछ ।

संसदीय दलको नेता चयनमा कांग्रेसबाट निर्वाचित भएका ८९ सांसदहरूले मतदान गर्नेछन् । काँग्रस संसदीय दलको विधानबमोजिम निर्वाचित हुन ५० प्रतिशत मत कटाउनैपर्ने हुन्छ । यसअनुसार संसदीय दलको नेता बन्न ४५ सांसदको समर्थन जुटाउनुपर्ने हुन्छ ।

प्रकाशित मिति: मंगलबार, पुस ५, २०७९ २०:४२

प्रतिक्रिया दिनुहोस्