सांसदको शपथ अघि सर्वदलीय बैठक सुरु

राष्ट्रिय समाचार

Home
राष्ट्रिय समाचार
सांसदको शपथ अघि सर्वदलीय बैठक सुरु

सांसदको शपथ अघि सर्वदलीय बैठक सुरु

तस्बिर फाईल

प्रतिनिधि सभाका नवनिर्वाचित सांसदले शपथ लिनुअघि सङ्घीय संसद्को शंकर हलमा विहिबार सर्वदलीय बैठक सुरु भएको छ ।

शपथ ग्रहण समारोहलाई व्यवस्थित बनाउन भन्दै ज्येष्ठ सदस्य पशुपति शम्शेर जबराले सर्वदलीय बैठक बोलाउनु भएको हो । प्रतिनिधि सभाका ज्येष्ठ सदस्य पशुपति शम्शेर जबराले नवनिर्वाचित सांसदलाई शपथ ग्रहण गराउँदै हुनुहुन्छ । संसद् भवन नयाँ बानेश्वरमा दिउँसो १ बजे सांसदले पद तथा गोपनीयताको शपथ लिनेछन् ।

प्रतिनिधि सभामा प्रत्यक्षबाट निर्वाचित १ सय ६५ र समानुपातिकबाट निर्वाचित १ सय १० जना गरी कुल २ सय ७५ सदस्य रहेका छन् । संसद् सचिवालयका सहायक प्रवक्ता दशरथ धमलाका अनुसार कुल सदस्यमध्ये अहिलेसम्म मातृभाषामा शपथ लिन चाहने सदस्यको सङ्ख्या २६ जना रहेको छ ।

शपथसँगै सदस्यहरूको औपचारिक रूपमा कार्यकाल आजदेखि नै सुरु हुनेछ । शपथ गराएलगत्तै सांसदलाई संसद्को लोगोसमेत प्रदान गरिने कार्यक्रम रहेको पनि उहाँले बताउनुभयो । हिजो ज्येष्ठ सदस्य जबराले राष्ट्रपति विद्यादेवी भण्डारीमार्फत् शपथ लिनु भएको थियो ।

प्रकाशित मिति: बिहीबार, पुस ७, २०७९ १२:३९

प्रतिक्रिया दिनुहोस्