राष्ट्रपति रामचन्द्र पौडेलद्धारा राष्ट्रपतिको पद तथा गोपनीयताको शपथ ग्रहण

राष्ट्रिय समाचार

Home
राष्ट्रिय समाचार
राष्ट्रपति रामचन्द्र पौडेलद्धारा राष्ट्रपतिको पद तथा गोपनीयताको शपथ ग्रहण

राष्ट्रपति रामचन्द्र पौडेलद्धारा राष्ट्रपतिको पद तथा गोपनीयताको शपथ ग्रहण

सोमबार राष्ट्रपति रामचन्द्र पौडेलले राष्ट्रपतिको पद तथा गोपनीयताको शपथ ग्रहण गर्नुभएको छ। राष्ट्रपति भवनमा आयोजित विशेष समारोहमा राष्ट्रपति पौडेललाई कायममुकायम प्रधानन्यायाधीश हरिकृष्ण कार्कीले शपथ गराउनुभएको हो।

यही फागुन २५ गते राष्ट्रपतिका लागि भएको निर्वाचनमा पौडेलले ३३ हजार ८०२ मतभार ल्याएर संघीय लोकतान्त्रिक गणतन्त्र नेपालको तेश्रो राष्ट्रपति बन्नुभएको हो।

शपथ ग्रहण समारोहमा राष्ट्रपति पौडेलले शपथ ग्रहण गरे लगत्तै शपथ पत्रमा हस्ताक्षर गर्नुभयो।त्यसपछि उहाँलाई नेपाली सेनाले राष्ट्रपति सलामी अर्पण गरेको थियो । राष्ट्रपति सलामी सैनिक मञ्च टुँडिखेलबाट गरिएको थियो। त्यसको लगत्तै निवर्तमान राष्ट्रपति विद्यादेवी भण्डारीले राष्ट्रपति पौडेललाई बधाई तथा सफलताको शुभकामना दिनुभयो ।

प्रकाशित मिति: सोमबार, फागुन २९, २०७९ १५:३२

प्रतिक्रिया दिनुहोस्