बेलारुसमा अलपत्र परेका ९ जना नेपाली महिलाई स्वदेश ल्याइयो

प्रवास

Home
प्रवास
बेलारुसमा अलपत्र परेका ९ जना नेपाली महिलाई स्वदेश ल्याइयो

बेलारुसमा अलपत्र परेका ९ जना नेपाली महिलाई स्वदेश ल्याइयो

बेलारुसमा अलपत्र ९ जना नेपाली महिलालाई शुक्रबार नेपाल फर्काइएको छ । सानुमाया तामाङ, कविता थापा मगर, अञ्जना मगर, रत्नमाया राई, पार्वती कितुङ, रमिता राई, सुस्मा तामाङ, मिना गुरुङ, मार्फा सोताङ राई गरी ९ जनालाई स्वदेश फर्काएको हो । स्वदेश फर्किएकी पीडित सानुमाया तामाङले बेलारुसमा आफूहरुले दैनिक १२ घण्टा काम गर्नुपरेको तर भनेको पारिश्रमिक नदिएको र पीडा दिने गरेको बताउनु हुन्छ ।

नेपालबाट जाँदा एजेन्टहरूले डलरमा पैसा दिने भने पनि उता गएपछि बेलारुसी रुबेल ७५ रुपैयाँ दैनिक पाउने गरेको उहाँले बताउनु भयो । पीडित ९ जना महिलालाई विभिन्न संघसंस्थाहरूको सहयोगमा नेपाल फर्काइएको हो । उनीहरू टिकटक लाइभमा आएर नेपाल फर्काइदिन आग्रह गरेपछि नेपालबाट स्वदेश फर्काउने प्रयास भएको थियो ।