गण्डकी प्रदेशका मुख्यमन्त्री अधिकारी पदमुक्त

राष्ट्रिय समाचार

Home
राष्ट्रिय समाचार
गण्डकी प्रदेशका मुख्यमन्त्री अधिकारी पदमुक्त

गण्डकी प्रदेशका मुख्यमन्त्री अधिकारी पदमुक्त

गण्डकी प्रदेशका मुख्यमन्त्री खगराज अधिकारी पदमुक्त हुनु भएको छ । गण्डकी प्रदेशसभामा उहाँलाई विश्वासको मत दिने २४ जनामात्र सांसद भएकोले उहाँ पदमुक्त हुनु भएको हो । विश्वासको मत पाउन कम्तीमा ३१ सांसदको समर्थन जुटाउनु पर्छ । अधिकारीले एमाले र राप्रपाका सांसदहरुको गरी २४ मत मात्र पाउनु भएको हो ।

नेकपा एमाले, नेकपा माओवादी केन्द्र र राप्रपाका सांसदको समर्थनमा २५ पुसमा मुख्यमन्त्री बन्नु भएका अधिकारी करिब साढे ३ महिनामा पदमुक्त हुनु भएको छ ।

मुख्यमन्त्री अधिकारीको विश्वासको मतको विपक्षमा ३५ मत खसेको छ । नेपाली कांग्रेसका २७, माओवादी केन्द्रका ७ र हालै नेकपा एकीकृत प्रवेश गरेका राजीव गुरुङले अधिकारीलाई मत दिनु भएन ।

नेकपा माओवादी केन्द्रले चैतको १० गते अधिकारीलाई दिएको समर्थन फिर्ता लिँदै सरकारबाट बाहिरिएको थियो । माओवादी केन्द्रले समर्थन फिर्ता लिएपछि मुख्यमन्त्री अधिकारीले प्रदेश सभामा विश्वासको मत लिनुपर्ने संवैधानिक बाध्यता उत्पन्न भएको थियो ।

Koseli Ghar