उपनिर्वाचनमा ६० प्रतिशत मत खस्यो

राष्ट्रिय समाचार

Home
राष्ट्रिय समाचार
उपनिर्वाचनमा ६० प्रतिशत मत खस्यो

उपनिर्वाचनमा ६० प्रतिशत मत खस्यो

प्रतिनिधिसभा रिक्त सदस्य पदका लागि तीन क्षेत्रमा भएको उपनिर्वाचनमा ६० प्रतिशत मत खसेको निर्वाचन आयोगले जनाएको छ । बारा–२, चितवन–२ र तनहुँ–१ मा आइतबार भएको उपनिर्वाचनमा सो संख्यामा मत खसेको आयोगले जनाएको हो । यद्यपि मतदानको विवरण भने आयोगको सूचना प्रणालीमा प्रविष्टि हुने क्रममा रहेको आयोगको भनाई छ ।

आयोगका अनुसार बारा–२ मा ६४ प्रतिशत, चितवन–२ मा ६३ प्रतिशत र तनहुँ–१ मा ५३ प्रतिशत मत खसेको छ ।

निर्वाचन आयोगले तीनवटै क्षेत्रमा शान्तिपूर्ण र उत्साहजनकरुपमा उपनिर्वाचन सम्पन्न भएको जनाएको छ । आयोगका सहप्रवक्ता सूर्यप्रसाद अर्यालले आइतबारबाट मतगणना सुरु गर्ने जानकारी दिनुभयो । आयोगका अनुसार बारा–२ मा शिक्षा तालिम केन्द्र, कलैया, चितवन–२ मा उद्योग वाणिज्य संघको हल, भरतपुर र तनहुँ–१ मा जिल्ला समन्वय समिति परिसर, दमौलीमा मतगणना हुने छ । आयोगले सोमबारसम्म मतपरिणाम आउने अनुमान गरेको छ ।

Laxmi Mistan Bhandar