प्रधानमन्त्री दाहालको भारत भ्रमणमा सात वटा मुख्य सम्झौता, हवाई रुटमा भने भारतको अरुची

राष्ट्रिय समाचार

Home
राष्ट्रिय समाचार
प्रधानमन्त्री दाहालको भारत भ्रमणमा सात वटा मुख्य सम्झौता, हवाई रुटमा भने भारतको अरुची

प्रधानमन्त्री दाहालको भारत भ्रमणमा सात वटा मुख्य सम्झौता, हवाई रुटमा भने भारतको अरुची

प्रधानमन्त्री पुष्पकमल दाहालको भारत भ्रमणका क्रममा दुई देशबीच सात वटा मुख्य सम्झौता भएको छ । दुबैदेशका प्रतिनिधिमण्डल स्तरीय वार्तापछि सार्वजनिक गरिएको जानकारी अनुसार नेपाल–भारत पारवहन सम्झौता नवीकरण, सिमापार पेट्रोलियम पाइपलाइनलाई अमलेखगञ्जबाट चितवनसम्म ल्याउने र सिलिगुडीबाट झापासम्म पुर्‍याउने सहमति भएको छ ।

त्यस्तै, परराष्ट्र मामिला अध्ययन प्रतिष्ठान र सुष्मा स्वराज इन्स्टिच्युटबीच सहकार्य गर्ने सहमति भएको छ । त्यसैगरी, चाँदनी दोधारामा एकीकृत जाँच चौकी बनाउने, तल्लो अरुणको पीडीए गर्ने र फुकोट कर्णाली भारतीय कम्पनीले बनाउने सहमति भएको छ ।

Koseli Ghar

६ सय ६९ मेगावाट क्षमताको तल्लो अरुण जलविद्युत आयोजनाका लागि भारतीय कम्पनीसँग परियोजना विकास सम्झौता भएको हो । भारतीय कम्पनी सतलज जलविद्युत निगमले २१ प्रतिशत बिजुली पाउने गरी सम्झौता भएको छ त्यस्तै, डिजिटल पेमेन्ट सम्झौता पनि भएको छ ।

प्रधानमन्त्री दाहाल र भारतीय प्रधानमन्त्री नरेन्द्र मोदीले संयुक्त पत्रकार सम्मेलन गरी सम्झौता बारे जानकारी गराउनुभएको हो । यसैबीच, भारत भ्रमणका क्रममा महत्वका साथ हेरिएको हवाइ रुट विस्तार र पञ्चेश्वर बहुद्देश्यीय परियोजनामा महाकालीको पानी बाँडफाँट बारे सहमति हुन भने सकेन ।

नेपालले महेन्द्रनगरबाट हवाई रुट र पञ्चेश्वर परियोजनालाई टुंगो लगाउनुपर्ने माग गर्दै आएपनि भारत त्यसमा सहमत नभएपछि कुनै समझदारी बन्न नसकेको बताइएको छ ।

Gharelu office