देशकै पहिलो बालमैत्री सुनवल नगरलाई बालमैत्री अध्ययन केन्द्र बनाइनेः नगरप्रमखु अर्याल

राष्ट्रिय समाचार

Home
राष्ट्रिय समाचार
देशकै पहिलो बालमैत्री सुनवल नगरलाई बालमैत्री अध्ययन केन्द्र बनाइनेः नगरप्रमखु अर्याल

देशकै पहिलो बालमैत्री सुनवल नगरलाई बालमैत्री अध्ययन केन्द्र बनाइनेः नगरप्रमखु अर्याल

सुनवल नगरपालिकाले नगरपालिकाको साखलाई अझै उचो बनाउन पालिकालाई देशकै बालमैत्री अध्ययन केन्द्र वनाउने नीति लिइएको छ । देशकै पहिलो बालमैत्री स्थानीय शासन भएको नगरपालिकाले आ.ब. २०८०।०८१ को नीति तथा कार्यक्रममा बालमैत्री अध्ययन केन्द्र बनाउने घोषणा गरेको हो । नगरभित्रका अनाथ बालबालिकालाई शिक्षा, पालनपोषण र अभिभावकीय भूमिका निर्वाह गर्ने वताइएको छ ।

नगरपालिकाले सोमबार सम्पन्न गरेको १३ औ नगर सभाले आगामी आर्थिक बर्षमा प्रत्येक वडामा १ बालमैत्री पार्क निमार्णको थालनी गरिने नीति लिएको छ । यस्तै बालबालिका सम्बन्धी ऐन, २०७५ ले व्यवस्था गरे अनुसार बाल अधिकार समिति गठन, परिचालन, बाल कोषको स्थापना तथा बाल कल्याण अधिकारीको नियुक्ति र परिचालनलाई सुनिश्चित गर्ने नीति लिइएको छ ।

यस्तै वडा र नगरस्तरमा वार्षिक रुपमा बालक्लव गठन, पुनर्गठन तथा उत्कृष्ट बालक्लवलाई वार्षिक सम्मान तथा पुरस्कारको व्यवस्था गरिनेछ भने बालबालिकाको अतिरिक्त क्षमताको विकासलागि विभिन्न रचनात्मक क्रियाकलाप पनि गरिने नीति नगरपालिकाले लिएको सुनवल नगरपालिकाका नगरप्रमुख बिमला अर्यालले बताउनु भयो । सुनवल नगरपालिका वि.सं. २०७५ साल भदौ ३ गते नेपालको पहिलो बालमैत्री नगरपालिका घोषणा भएको थियो ।

Sarawal Too