नवलपरासी सहित देशभरका न्यायालयको सेवा प्रभावित

राष्ट्रिय समाचार

Home
राष्ट्रिय समाचार
नवलपरासी सहित देशभरका न्यायालयको सेवा प्रभावित

नवलपरासी सहित देशभरका न्यायालयको सेवा प्रभावित

उच्च अदालत पाटनमा कार्यरत नायब सुब्बा र अधिवक्ताबीच भएको घटनाको विवाद चर्किदा मुलुकभरका न्यायालयको सेवा सोमबार आज प्रभावित भएको छ । घटनाको विरोधमा नेपाल बार एसोसिएसन, नवलपरासी सहित विभिन्न जिल्लामा कानून व्यवसायीहरुले प्रदर्शन गरेका छन् । सेवा लिन गएका कानून व्यवसायीमाथि कर्मचारीबाट हातपात, झुटा मुद्दा लगाइएको भन्दै उनीहरुले अदालत अगाडि प्रदर्शन गरेका हुन् । कानून व्यवसायीहरुको प्रदर्शनका कारण अदालतका काम प्रभावित भएका छन् । असार १३ गते बुधबार उच्च अदालत पाटनमा कार्यरत नायब सुब्बा प्रेमिका तामाङ र कानून व्यवसायी अमिर लामिछाने बीच विवाद भएको थियो ।

अधिवक्ता लामिछानेले उच्च अदालत पाटनको फाँटमा काम गर्ने तामाङसँग सक्कली मिसिल माग्दा विवाद भएपछि हातपात समेत भएको थियो । घटनापछि अधिवक्ता लामिछानेलाई सोही दिन अदालत परिसरबाट प्रहरीले पक्राउ गरेपनि साधारण तारेखमा रिहा गरेको थियो। नासु तामाङले अदालतमा पनि निवेदन दिएपछि घटनाको विरोध थप चर्किएको छ। यसैवीच नेपाल बार एशोसिएशनले सो घटनाको सीसीटीभी फुटेज सार्वजनिक हुनुपर्ने, घटनाको सत्यतथ्य छानबिन गर्न समिति गठन गर्नुपर्ने, लामिछानेले दिएको जाहेरी दर्ता गर्नुपर्ने लगायत माग अघि सारेको छ ।

यसैवीच नेपाल बार एशोशियसनका महासचिव अधिवक्ता अन्जिता खनालले मंगलबार पनि विरोधका कार्यक्रम जारी रहने विज्ञप्ती मार्फत जानकारी गराउनु भएको छ । यता नवलपरासीमा पनि दिउसो १ देखि २ः३० सम्म विरोधको कार्यक्रमलाई निरन्तरता दिने नवलपरासी बारका अध्यक्ष धन शर्माले बताउनु भयो ।

May be an image of ticket stub and text