पेट्रोल, डिजेल र मटीतेलमा प्रतिलिटर पाँच रुपैयाँ घट्यो, निगमलाई मासिक तीन अर्ब रुपैयाँ नाफा

राष्ट्रिय समाचार

Home
राष्ट्रिय समाचार
पेट्रोल, डिजेल र मटीतेलमा प्रतिलिटर पाँच रुपैयाँ घट्यो, निगमलाई मासिक तीन अर्ब रुपैयाँ नाफा

पेट्रोल, डिजेल र मटीतेलमा प्रतिलिटर पाँच रुपैयाँ घट्यो, निगमलाई मासिक तीन अर्ब रुपैयाँ नाफा

नेपाल आयल निगम लिमिटेडले सोमबार रातिबाट लागू हुने गरी पेट्रोल, डिजेल र मटीतेलको मूल्य प्रतिलिटर पाँच–पाँच रुपैयाँ घटाएको छ ।

मूल्य घटेपछि काठमाडौं उपत्यकाका उपभोक्ताले पेट्रोल एक सय ७० रुपैयाँ तथा डिजेल र मट्टीतेल समान एक सय ५० रुपैयाँ प्रतिलिटरका दरले खरिद गर्न पाउनेछन् ।

निगमले आन्तरिक वायु सेवाले प्रयोग गर्ने हवाई इन्धनको मूल्य प्रतिलिटर १४ रुपैयाँ र अन्तर्राष्ट्रिय उडान भर्ने विमान कम्पनीले प्रयोग गर्ने हवाई इन्धनको मूल्य प्रतिलिटर १५ रुपैयाँका दरले घटाएको छ ।

मूल्य घटेपछि आन्तरिक हवाई इन्धनको मूल्य एक सय ३६ रुपैयाँ र बाह्य हवाई इन्धनको मूल्य १.०३५ डलर प्रतिलिटर कायम भएको छ ।

यसैबीच नेपाल आयल निगमको मासिक नाफा तीन अर्ब रुपैयाँ नाघेको छ । इन्डियन आयल कर्पोरेशनबाट मूल्य घटेर आएसँगै निगमको १५ दिनको नाफा एक अर्ब ६० करोड रुपैयाँ पुगेको निगमका प्रवक्ता मनोज ठाकुरले बताउनुभयो । यो हिसाबबाट सरकारी स्वामित्वको कम्पनी निगमको मासिक नाफा तीन अर्ब रुपैयाँभन्दा बढी देखिएको हो ।

प्रकाशित मिति: मंगलबार, असार १९, २०८० ०६:३१

प्रतिक्रिया दिनुहोस्