राष्ट्रिय वाणिज्य बैंकको ५८ औं वार्षिकोत्सव सम्पन्न

राष्ट्रिय समाचार

Home
राष्ट्रिय समाचार
राष्ट्रिय वाणिज्य बैंकको ५८ औं वार्षिकोत्सव सम्पन्न

राष्ट्रिय वाणिज्य बैंकको ५८ औं वार्षिकोत्सव सम्पन्न

राष्ट्रिय वाणिज्य बैंकले मंगलबार देश भर आफ्नो ५८ औ बार्षिक उत्सव सम्पन्न गरेको छ । यही माघ १० गते बैंक ५७ वर्ष पूरा गरी ५८ औँ वर्षमा प्रवेश गरेको अवसर पारेर देश भरका वैंकका शाखाहरुमा प्रभात फेरी, रक्तदान तथा अन्य रचनात्मक कार्यक्रमहरु सम्पन्न भएका छन् । यसैवीच ५८ औं वार्षिकोत्सव समारोह माननीय उपप्रधान तथा अर्थमन्त्री विष्णुप्रसाद पौडेलको प्रमुख आतिथ्यतामा मंगलबार एक समारोहकाबीच सम्पन्न भएको छ । कार्यक्रममा माननीय उपप्रधान तथा अर्थमन्त्री विष्णुप्रसाद पौडेलकाले अर्थतन्त्रमा रहेको चुनौती समाधान गर्न राष्ट्रिय वाणिज्य बैंककोे भूमिका सकारात्मक रहने बताए । बैंक तथा वित्तीय संस्थाहरुले उत्पादनमूलक क्षेत्रमा लगानी गरी आर्थिक विकासमा थप योगदान गर्नुुपर्ने बताए । उहाँले बैंकले आगामी दिनमा नाफामा भन्दा गुणस्तरीय सेवामा प्रतिस्पर्धा गरी अन्य बैंकको तुलनामा अग्रणी हुनुपर्ने बताए । उनले संस्थागत सुशासन, पारदर्शिता, भ्रष्टचारमुक्त र शुन्य सहनशिलता नीति अपनाउनपर्ने बताउनु भयो ।
बैंकको हाल ७ प्रदेश, ७७ जिल्लाका सबै सदरमुकाममा सहित २६५ वटा शाखा कार्यालय, ५१ वटा एक्सटेन्सन काउन्टर, २६८ वटा एटिएम र १०२ वटा शाखा रहेको बताइएको छ ।
यसैवीच राष्ट्रिय वाणिज्य बैंक परासी शाखाले पनि ५८ औं बार्षिक उत्सव भव्य रुपमा मनाएको छ । परासी शाखाका प्रवन्धक मदनराज डोटेलले बैंकको सेवा प्रवाहलाई थप प्रविधि मैत्री वनाउँदै सेवा ग्राहीलाई प्रभावकारी सेवा दिनु नै बैंकको आगामी कार्यभार रहेको वताउनु भएको छ ।

प्रकाशित मिति: मंगलबार, माघ १०, २०७९ २२:२७

प्रतिक्रिया दिनुहोस्