पाल्ही वहुमुखी क्याम्पसद्धारा स्वर्गीय मिश्राप्रति श्रद्धान्जली

शिक्षा

Home
शिक्षा
पाल्ही वहुमुखी क्याम्पसद्धारा स्वर्गीय मिश्राप्रति श्रद्धान्जली

पाल्ही वहुमुखी क्याम्पसद्धारा स्वर्गीय मिश्राप्रति श्रद्धान्जली

पञ्चायती निरंकुशताको विरुद्ध संघर्ष गरी तत्कालिन प्रशासनबाट चरम यातना समेत भोगेका नवलपरासी प्रतापपुर गाउँपालिका ५ बस्ने समाजसेवी नन्दलाल मिश्राको विहिवार असमायीक निधन भएको छ । समाजसेवी मिश्राको ७८ बर्षको उमेरमा मृत्यू भएको परिवार श्रोतले जनाएको हो ।

नवलपरासीमा उच्च शिक्षाको विकासकालागि क्याम्पस स्थापना गर्न अरोरात्र खटिने व्यक्तिको रुपमा पनि मिश्रालाई चिन्ने गरिएको छ । जिल्लाकै पुरानो उच्च शिक्षाको अध्ययन गर्ने प्रतिष्ठानको रुपमा परिचित पाल्ही वहुमुखी क्याम्पसको भवन शिलान्यास शिक्षाप्रेमी स्वर्गिय नन्दलाल मिश्राले गर्नु भएको थियो । उहाँको संझनामा शुक्रवार क्याम्पसमा श्रद्धान्जली सभा गरिएको छ । स्वर्गिय मिश्रा नवलपरासीको शिक्षाको विकासमा आधार स्तम्भ वन्न सफल हुनु भएको पाल्ही वहुमुखि क्याम्पसका क्याम्पस प्रमुख कैलाश ठाकुरले बताउनु भयो ।

क्याम्पस प्रमुख ठाकुरले स्वर्गीय मिश्राको आत्माको चिरशान्तीको कामना गर्दै शोक सन्तप्त परिवारजनमा भावपूर्ण श्रद्धान्जली व्यक्त गर्नु भएको थियो । श्रद्धान्जली सभामा क्याम्पसका प्राध्यापकहरु, कर्मचारी एवं विद्यार्थीहरुको सहभागीता रहेको वताइएको छ ।

क्याम्पसको शिलान्यास २०४६ सालकाे जनआन्दोलनपछि २०४८ काे भदाैमा गरिएको वताइएको छ भने हाल स्थापना भएको क्याम्पस भवन अघि आदर्श मा.वि परासी र रामलक्ष्मण राइस मिलमा पनि क्याम्पस संचालन गरिएको थियो ।

Diraj Treders