जितिया पर्वको अवसरमा सुस्तामा २ दिने थारु सांस्कृति कार्यक्रम

कला/संस्कृति

Home
कला/संस्कृति
जितिया पर्वको अवसरमा सुस्तामा २ दिने थारु सांस्कृति कार्यक्रम

जितिया पर्वको अवसरमा सुस्तामा २ दिने थारु सांस्कृति कार्यक्रम

जितिया पर्वको अवसर पारेर सुस्ता गाउँपालिका वडा नं २ छिबनीमा सांस्कृति कार्यक्रम भएको छ । सृजनशिल आमा समुहको आयोजनमा सोमबार हिजो कार्यक्रमको समुद्धाटन भएको हो । आमा समुहको अध्यक्ष सिता चौधरीको अध्यक्षतामा तथा थारु कल्याणकारीणी साभा नवलपरासीका जिल्ला अध्यक्ष मुन्द्रिका प्रसाद चौधरीको प्रमुख आथिथ्यतामा कार्यक्रम भएको हो । कार्यक्रमा बोल्दै चौधरीले थारु समुदायको पुराना संस्कृति लोपहुदै गएको यसको संरक्षण गर्न समुदाय लाग्नु पर्ने बताउनु भयो । उहाँले संस्कृतिको विकासको नाममा विकृति फैल्दै गइरहेको गुनासो गर्नु भएको थियो । साथै पुर्खादेखि आएको संस्कृतिले हाम्रो पहिचान झल्काउने भएकोले संस्कृतिलाई आधुनिकतामा परिर्वतन नगर्न आग्रह गर्नु भयो ।

कार्यक्रमा सुस्ता गाउँपालिका अध्यक्ष टेक नारायण उपाध्याय र गाउँपालिका उपाध्यक्ष गिता चौधरीले आमा समुहले जितियाको अवसमा हरेक वर्ष थारु समुदायको संस्कृतिलाई बचाउन कार्यक्रम गर्दै आइरहेको भन्दै धन्यबाद व्यक्त गर्नु भएको थियो । साथै गाउँपालिकाको साथ सहयोग रहदै आएको पुराना संकृतिहरुलाइ जोगाउनकोलागि निरन्तरता दिन आग्रह गर्नु भएको थियो ।

सो अवसरमा नं.१ को अध्यक्ष अशोककुमार चौधरी, थाकस केन्द्रीय पार्षद जितराम पंजियार, थाकस जिल्ला उपाध्यक्ष ठगई गुरौं, थाकस जिल्ला सदस्य मोहन चोधरी लगाएतले बोल्नु भएको थियो । कार्यक्रम २ दिनको रहेको आज मंगलबार कार्यक्रमको समापन हुने आयोजकले जानकारी दिएको छ ।