नवलपरासीमा संस्कृतिलाई जगेर्ना गर्न खेल र कलाको माध्यमबाट फूटसल प्रतियोगिता र खाना महोत्सव हुने

कला/संस्कृति

Home
कला/संस्कृति
नवलपरासीमा संस्कृतिलाई जगेर्ना गर्न खेल र कलाको माध्यमबाट फूटसल प्रतियोगिता र खाना महोत्सव हुने

मैत्रीपूर्ण फुटसल तथा एक दिने नेवारी खाना महोत्सव नवलपरासीमा संस्कृतिलाई जगेर्ना गर्न खेल र कलाको माध्यमबाट फूटसल प्रतियोगिता र खाना महोत्सव हुने

डोल्मा चौधरी सोमबार, कात्तिक २०, २०८०

छरिएर रहेका जातजातिहरुलाइ एक ढिक्कामा ल्याउन पश्चिम नवलपरासीमा आदिवासी जनजाति मैत्रीपूर्ण फुटसल तथा एक दिने नेवारी खाना महोत्सव हुने भएको छ । नेवा देय दबु जिल्ला कार्य समिति नवलपरासीको आयोजनामा खेल र कलाको माध्यमबाट हराउदै गएका कला, संस्कृतिलाई विकास तथा जगेर्ना गर्न एकदिवसीय फूटसल प्रतियोगिता तथा खाना महोत्सव आउँदो कार्तिक २५ गते सुनवल नगरपालिकाको रामनगर एकेडिममा हुने भएको हो ।

सोमबार भूमहीमा आयोजित पत्रकार सम्मेलनमा नेवा देय् दबु नवलपरासीका अध्यक्ष अशोककुमार क्षेष्ठले महोत्सव हुने जानकारी दिनु भयो । सबै जातजातिलाइ एक ढिक्कामा आउनको लागि कला र खेलको माध्यमबाट युवा पुस्तालाई जोड्ने उदेश्यले कार्यक्रको आयोजना गर्न लागेको उहाँले बताउनु भयो । आज यूवाहरुले आफ्नो संस्कृति र पहिचानलाई बिर्सिदै गएकोले खेलसँगै पहिचान तथा कलाको संरक्षण गर्दै यूवाहरुलाइ जोडनका लागि अदिवासी जनजातिको मैत्रिपूर्ण खेलसँगैं संस्कृति झल्किने विभिन्न जातजातिहरुको झाँकि सहितको विविध सांस्कृतिक कार्यक्रम गरिने बताइएको छ ।

महोत्सव नेवार समुदायको संम्बत ११४४ नयाँ बर्षको उपलक्ष्यमा हुन लागेको हो । खेल कार्तिक २५ गते शनिबारको दिन विहान ९ बजे देखि शुरु हुने संस्थाका अध्यक्ष क्षेष्ठले बताउनु भयो । खेलमा जातीय संगठनमा नेवार, थारू मगर ,गुरूङ्ग ,तामाङ गरी पाँच वटा जाति बीच मैत्रीपूर्ण फूटसल संचालन हुनेछ । महोत्सवको दिन जिल्लामा रहेको नेवार संगठनको ८ वटा गुठिको स्टल राख्ने भएको हो । जसमा २५ प्रकारका नेवारी खानाको परिकारहरू रहने महोत्सवको साँस्कृतिक संयोजक राजकुमार श्रेष्ठले जानकारी दिनु भयो ।
सम्मेलनमा जिल्ला खेलकूदको अध्यक्ष कष्णप्रसाद क्षेष्ठ, नेपाल पत्रकार महासंघ नवलपरासीका अध्यक्ष हरि शर्मा, थारु कल्याणकारी सभाका जिल्ला अध्यक्ष मुन्द्रिका प्रसाद चौधरी लगाएले बोल्नु भएको थियो ।

प्रकाशित मिति: सोमबार, कात्तिक २०, २०८० १८:५५

प्रतिक्रिया दिनुहोस्