प्याब्सन नवलपरासीद्वारा आयोजित दोस्रो जिल्ला स्तरीय लोक नृत्य प्रतियोगिता सम्पन्न

कला/संस्कृति

Home
कला/संस्कृति
प्याब्सन नवलपरासीद्वारा आयोजित दोस्रो जिल्ला स्तरीय लोक नृत्य प्रतियोगिता सम्पन्न

सुनवल यूनाइटेड बोर्डिङ स्कुल प्रथम स्थान हासिल गर्न सफल प्याब्सन नवलपरासीद्वारा आयोजित दोस्रो जिल्ला स्तरीय लोक नृत्य प्रतियोगिता सम्पन्न

डोल्मा चौधरी शुक्रबार, कात्तिक २४, २०८०

प्याब्सन नवलपरासीद्वारा आयोजित दोस्रो जिल्ला स्तरीय लोक नृत्य प्रतियोगिता बिहीबार सम्पन्न भएको छ । सम्पन्न प्रतियोगितमा सुनवल यूनाइटेड बोर्डिङ स्कुल प्रथम स्थान हासिल गर्न सफल भएको हो । त्यसै न्यू लाईफ सेकेण्डरी स्कुल बर्दघाट द्वितीय स्थान हासिल गर्न सफल भए छ, भने द पाइनियर सेकेण्डरी बोर्डिङ स्कुल सुनवल तृतीय र होलि एन्जल्स बिधालय बर्दघाट सान्त्वना स्थान हासिल गर्न सफल भएको हो ।

प्याब्सन नवलपरासीका अध्यक्ष गुरूदत्त पोेैडेलको अध्यक्षतामा र शिक्षा विकास तथा समन्वय ईकाई नवलपरासीका प्रमुख पूर्णबहादुर विश्वकर्मालेको प्रमुख आतिथ्यतामा प्रतियोगिता सम्पन्न भएको हो । प्याब्सन नवलपरासीमा आवद्व ६४ विद्यालय मध्ये २३ विद्यालयको सहभागीता रहेको थियो ।

विशुद्ध मौलिकता झल्कने प्राचीन नेपाली समाजको लोक नृत्य विद्यार्थीहरुले प्रस्तुत गरेका थिए । विद्यार्थीमा रहेको प्रतिभा उजागर गर्ने उद्देश्यले प्रतियोगिताको आयोजना गरिइएको थियो । उक्त अवसरमा प्याब्सनका केन्द्रीय सचिव सुवर्ण न्यौपाने, जिल्ला प्याब्सनका प्रमुख सल्लाहकार ईन्द्र गुरुङ्ग, सुनवल उद्योग वाणिज्य संघका अध्यक्ष रमेश कर्माचार्य,जिल्ला प्याब्सनका वरिष्ठ उपाध्यक्ष बम्बर गुरुङ्ग लगाएतले शुभकामना मन्तव्य राख्नु भएको थियो ।

निजी तथा आवासीय विद्यालयहरुको छाता संगठन हो । प्याब्सन नवलपरासी

प्रकाशित मिति: शुक्रबार, कात्तिक २४, २०८० ०९:२३

प्रतिक्रिया दिनुहोस्