पाल्हीनन्दनमा मा.वि स्तरीय वक्तृत्वकला प्रतियोगिता सम्पन्न

स्थानीय समाचार

Home
स्थानीय समाचार
पाल्हीनन्दनमा मा.वि स्तरीय वक्तृत्वकला प्रतियोगिता सम्पन्न

पाल्हीनन्दनमा मा.वि स्तरीय वक्तृत्वकला प्रतियोगिता सम्पन्न

परासी । पाल्हीनन्दनमा बुधबार मा.वि स्तरीय वक्तृत्वकला प्रतियोगिता सम्पन्न भएको छ । लैङ्गिक हिसां विरुद्धको १६ दिने अभियन अन्र्तगत सुनवल सामुदायिक विकास केन्द्रको आयोजनामा तथा यूनाइटेड मिसन टु नेपाल र पाल्हीनन्दन गाउँपालिकाको सहकार्यमा कार्यक्रम भएको हो । "लैङ्गिक हिसांको शुनिश्चितता महिला र बालबालिकामा लगानी ऐक्यवद्धता" विषयमा मा.वि स्तरीय विद्यार्थीहरुको बीच प्रतियोगिता भएको थियो ।

प्रतियोगितामा ६ वटा विद्यालयका १२ विद्यार्थीहरुको सहभागिता रहेको थियो । एउटा विद्यालयबाट एक छात्रा र एक छात्र गरी २ जना विद्यार्थीको सहभागिता रहेको थियो । जसमा छात्र तर्फबाट प्रथम हुन सफल राधाकृष्ण मा.वि विष्णपुराकी नन्दनी गुप्ता त्यस्तै द्रितिय हुनेमा सफल बालशिक्षा निकेतन मा.विकी बैष्णवी बनिया र तृतीय हुन सफल हरपुर मा.विकी सुशान्जली बढई यसैगरी छात्र तर्फबाट प्रथम हुन सफल जनता मा.वि लोहरौलीका गुलाम नबिशेख, द्वितिय हुनमा सफल भएको हरपुर मा.वि हरपुरका सचिनकुमार गुप्ता र तृतीय हुन सफल भएको शुकदेव मा.वि सनईका सन्दिप सहानी रहेका छन् ।

गाउँपालिकाको उपाध्यक्ष सकिना फातिमा खातुन अन्सारीको अध्यक्षतामा भएको कार्यक्रममा प्रमुख आतिथ्यता गाउँपालिका अध्यक्ष बैजुप्रसाद गुप्ताको रहेको थियो । सो अवसरमा सामुदायिक विद्यालयका प्रध्यानाध्यापक तथा शिक्षकहरु लगाएतको सहभागिता रहेको सुनवल सामुदायिक विकास केन्द्र लैङ्गिक समानता परियोजनाकी संयोजक ज्योति सिंह रायले जानकारी दिनु भयो । ।

Laxmi Mistan Bhandar