सुनवल १३ घिउडल्लामा तीज उत्सवः १३ जना जेष्ठ नागरिकलाई नगद सहित सम्मान

स्थानीय समाचार

Home
स्थानीय समाचार
सुनवल १३ घिउडल्लामा तीज उत्सवः १३ जना जेष्ठ नागरिकलाई नगद सहित सम्मान

तीज उत्सव २०८२ सुनवल १३ घिउडल्लामा तीज उत्सवः १३ जना जेष्ठ नागरिकलाई नगद सहित सम्मान

नवलपरासी । सुनवल नगरपालिका वडा नं. १३ घिउडल्लामा बुधवार तीज उत्सव २०८२ तथा जेष्ठ नागरिक सम्मान कार्यक्रम गरिएको छ । घिउडल्ला स्थित साँस्कृतिक आमा समूहको आयोजनामा हरितालिका तीजको अवसरमा जेष्ठ नागरिक सम्मान कार्यक्रम गरिएको हो ।

आमा समूहकी अध्यक्ष जीवनकला गौतमको अध्यक्षता र सुनवल नगरपालिका वडा नं. १३ का अध्यक्ष कृष्णप्रसाद बगालेको प्रमुख आतिथ्यमा कार्यक्रम गरिएको हो । कार्यक्रममा ८० बर्ष पूरा भएका १३ जना जेष्ठ नागरिकलाई नगद सहित सम्मान गरिएको छ । जेष्ठ नागरिकहरूको सम्मान तथा तीज उत्सव कार्यक्रमका लागि अमेरिका निवासी गोबिन्दराज न्यौपाने लगायतले करिव ४० हजार रुपैयाँ सहयोग गरेको आमा समूहकी अध्यक्ष गौतमले बताउनु भयो ।

सो अवसरमा सामुदायिक रेडियो परासी ९०.२ मेगाहर्जका प्रवन्ध निर्देशक मेघराज गौतम, समाजसेवी पूर्णबहादुर क्षेत्री, प्रकाश पौडेल, पत्रकार युवराज पुन लगायतले बोल्दै हरितालिका तीज २०८२ को शुभकामना व्यक्त गर्नु भएको कार्यक्रम सञ्चालक एवं स्थानीय समाजसेवी बिनिराम भुषालले जानकारी दिनुभयो ।

कार्यक्रम पश्चात आमा समुहमा आवद्ध ४२ जना महिलाहरुले आफ्नै मौलिक लय र भाषामा तीजगीत गाएर नाचेका छन् । सुनवल १३ घिउडल्लामा विगत ५ बर्षदेखि साँस्कृति आमा समुह सक्रिय बन्दै बिभिन्न कार्यक्रमहरू गर्दै आइरहेको छ ।

प्रकाशित मिति: बुधबार, साउन २८, २०८२ १९:१२

प्रतिक्रिया दिनुहोस्