सुनवल नगरपालिकामा महिला उद्यमी लक्षित वित्तिय साक्षरता कार्यशाला

स्थानीय समाचार

Home
स्थानीय समाचार
सुनवल नगरपालिकामा महिला उद्यमी लक्षित वित्तिय साक्षरता कार्यशाला

महिला उद्यमी लक्षित बित्तिय साक्षरता सुनवल नगरपालिकामा महिला उद्यमी लक्षित वित्तिय साक्षरता कार्यशाला

सुनवल । ओमन एक्ट सुनवलले शुक्रवार महिला उद्यमी लक्षित बित्तिय साक्षरता कार्यशाला सम्पन्न गरेको छ । संस्थाकी स्थानीय सहजकर्ता आरती लामिछानेको अध्यक्षता र सुनवल नगरपालिकाकी नगरप्रमुख बिमला अर्यालको प्रमुख आतिथ्यमा कार्यशाला गरिएको हो । सो अवसरमा नगरप्रमुख अर्यालले सुनवल नगरपालिका रणनीतिक रुपमा उद्यम क्षेत्रको विकासमा लागिरहेको बताउनु भयो ।

उहाँले नगरपालिकाले १३ वटै वडामा उद्यम विकास केन्द्र निर्माण गरी वडा वडामा महिलाहरूले विभिन्न सीप सिकिरहेको बताउनु भएको छ । सुनवल नगरपालिका वडा नं. ३ हाटबजारमा नगरस्तरीय उद्यमी भवन निर्माण कार्य सकिएकोले अब त्यही भवनमा सुनवल भित्र उत्पादित बस्तुहरूको बजारीकरण गर्ने योजना रहेको बताउनु भयो ।

कार्यक्रममा ओमन एक्ट लुम्बिनी प्रदेशका प्रमुख रेशम न्यौपाने र घरेलु तथा साना उद्योग महासघं नवलपरासीका निवर्तमान अध्यक्ष मेघराज गौतमले सहजिकरण गर्नु भएको छ ।

कार्यक्रममा सुनवल नगरपालिकाकी कार्यपालिका सदस्य जुठीमाया पुनः, महिला तथा बालबालिका शाखा प्रमुख केशरीदेवी गैरे लगायतले महिलाहरूले आफ्नो उद्यम सञ्चालन गर्दा कानूनी प्रकृया पूरागरी व्यवसायीक योजनाका साथ गर्नुपर्ने बताउनु भएको सस्थाकी संयोजक विनु परियारले जानकारी दिनुभयो ।

प्रकाशित मिति: शुक्रबार, साउन १६, २०८२ १९:१६

प्रतिक्रिया दिनुहोस्