रामग्राम १५ मा अवस्थित जनता माध्यमिक विद्यालयको ७४ औं बार्षिकोत्सव सम्पन्न

शिक्षा

Home
शिक्षा
रामग्राम १५ मा अवस्थित जनता माध्यमिक विद्यालयको ७४ औं बार्षिकोत्सव सम्पन्न

रामग्राम १५ मा अवस्थित जनता माध्यमिक विद्यालयको ७४ औं बार्षिकोत्सव सम्पन्न

परासी । जनता माध्यमिक विद्यालय सुक्रौलीले बुधवार सरस्वती पुजा एवं विद्यालयको ७४ औं बार्षिकोत्सव समारोह सम्पन्न गरेको छ । रामग्राम नगरपालिका वडा नं. १५ मा रहेको विद्यालय वि.सं. २००६ सालमा स्थापना भएको हो ।

विद्यालय व्यवस्थापन समितिका अध्यक्ष कौलेश्वर अहिरको अध्यक्षता र रामग्राम नगरपालिकाका नगरप्रमुख धनपत यादवको प्रमुख आतिथ्यमा कार्यक्रम सम्पन्न भएको छ । सो अवसरमा नगरप्रमुख यादवले नगरको शिक्षा, स्वास्थ्य, कृषि र खानेपानीको विकास विना नगरको समग्र विकास सम्भव नभएको बताउनु भयो । उहाँले नगरपालिका भित्रका ४ वटा विद्यालयलाई पहिलो चरणमा नमूना विद्यालय बनाउने घोषणा गर्नु भयो ।

Diraj Treders

कार्यक्रममा नगरउपप्रमुख संझना चौधरीले नगरपालिका भित्रको शैक्षिक गुणस्तर कायम गर्न प्रतिवद्ध रहेको बताउनु भयो । यस्तै कार्यक्रममा रामग्राम नगरपालिका वडा नं. १५ का अध्यक्ष धनपत यादवले विद्यालयको साँचो विकास गर्नेहो भने विद्यालयलाई राजनीति भन्दा टाढा राख्नु पर्ने बताउनु भयो ।

यस्तै लुम्बिनी प्रदेशका पशु तथा मत्स्य विकास निर्देशक डा. प्रवेशसिंह कुँवरले विद्यालयमा आफ्नो हजुरवुवा स्व.प्रेमबहादुर कुँवरको नाममा अक्षयकोष निर्माण गर्ने बताउनु भयो । साथै उहाँले विद्यालयको बार्षिकोत्सव समारोहमा विद्यालयलाई ३ वटा वाकिटकी र ३० जना अभिभावकहरुलाई न्यानो सिरक प्रदान गर्नु भएको छ ।

कार्यक्रममा रामग्राम नगरपालिकाकी पूर्व नगरउपप्रमुख रम्भा कुँवर, विद्यालय व्यवस्थापन समितिका सदस्य रामरतन केवट, सहायक प्रधानाध्यापक रामप्रकाश यादव लगायतले शुभकामना व्यक्त गर्नु भएको विद्यालयका प्रधानाध्यापक चन्द्रमणी लम्सालले नेपाली चेलीलाइ जानकारी दिनु भयो ।

Raju Arts new