लिटिल एन्जेल्सद्वारा रामग्रामका ८३ जना सेवा निबृत्त शिक्षक सम्मानीत

शिक्षा

Home
शिक्षा
लिटिल एन्जेल्सद्वारा रामग्रामका ८३ जना सेवा निबृत्त शिक्षक सम्मानीत

सेवा निबृत्त शिक्षक सम्मानीत लिटिल एन्जेल्सद्वारा रामग्रामका ८३ जना सेवा निबृत्त शिक्षक सम्मानीत

परासी । लिटिल एन्जेल्स उच्च माध्यमिक विद्यालय परासीले सरस्वती पूजा महोत्सव २०८० को अवसर पारेर रामग्राम क्षेत्रका निबृत्त शिक्षकहरुलाई सम्मान गरेको छ । रामग्राम नगरभित्रका सामुदायिक तथा संस्थागत विद्यालयमा लामोसमय अध्यापन गरी सेवा निबृत्त भएका ८३ जना शिक्षकहरुलाई बुधवार एक कार्यक्रमको आयोजना गरी सम्मान गरिएको हो ।

विद्यालयका प्राचार्य सुमन गोपाल आचार्यको अध्यक्षता र लुम्बिनी प्रदेश सभाका सदस्य बैजनाथ कलवारको प्रमुख आतिथ्यमा सरस्वती पूजा महोत्सव गरिएको हो । सो अवसरमा प्रदेश सभा सदस्य कलवारले सामुदायिक विद्यालयले मात्र नभई संस्थागत विद्यालयले पनि समग्रदेशको शिक्षाको गुणस्तर कायम गर्न महत्वपूर्ण भूमिका खेलेको बताउनु भएको छ । उहाँले परासीमा २०३७ सालमा स्थापना भएर यस क्षेत्रको शिक्षाको विकास र गुणस्तरमा लिटिल एन्जेल्सले ठूलो योगदान पुर्याएको बताउनु भयो ।

कार्यक्रममा सेवा निबृत्त शिक्षक मोहन शर्मा र विक्रम यादव लगायतले बोल्दै विद्यालयले सेवा निबृत्त भई बसेका शिक्षकहरुलाई संझेर सम्मान गरेकोमा खुसी व्यक्त गर्नु भएको थियो ।

विद्यालयले सरस्वती पूजा महोत्सव अन्तर्गत विभिन्न साँस्कृतिक कार्यक्रम, विद्यालयमा सम्पन्न विभिन्न विद्याका खेलकूद तथा शैक्षिक कार्यक्रममा सफलहुने विद्यार्थीहरुलाई पुरस्कार वितरण पनि गरेको छ ।

विद्यालयले आजै परेको राष्ट्रिय पुस्तक दिवसको अवसरमा पुस्तक प्रदर्शनी पनि गरेको सहायक प्रधानाध्यापक गोविन्द न्यौपानेले जानकारी दिनु भयो ।

Deurali resurgent