परासी । गएराति परेको असिना पानीले पश्चिम नवलपरासीमा काट्न तयारी अवस्थामा रहेको गुहँबालीलाई २५ प्रतिशतभन्दा बढी क्षति पुर्याएको किसानहरुले बताएका छन् । सोमबार राती साढे ८ बजेतिर असिनापानी परेको थियो । नवलपरासीका किसानहरुले असिना पानीका कारण २५ प्रतिशतभन्दा वढी अन्नबाली र ५० प्रतिशत वढी तरकारीमा क्षति पुगेको बताएका हुन् ।
सुनवल नगरपालिकाका कृषि विज्ञ नरबहादुर खड्काले असिना पानीले “अन्नवाली र तरकारी कुटेर ढुटो पारेको बताउनु भयो । उहाँका अनुसार गहुँबालि, गोडभेंडा र लहरे तरकारीलाई असिनापानीले क्षति पुर्याएको छ ।
रामग्राम नगरपालिकामा पनि असिना पानीले गहुँ, तरकारी र घाँस खेतीमा क्षति पुर्याएको छ । रामग्राम नगरपालिकाको वडा नं. १७ तरकारी पकेट क्षेत्रमा वढी क्षती भएको वडाध्यक्ष कन्हैयाप्रसाद कोइरीले बताउनु भयो । तरकारीमा गोडभेंडा, लौका, काँक्रा, काउली, लहरे तरकारीलाई असिनापानीले वढी क्षति पु¥याएको अध्यक्ष कोइरीले बताउनु भयो ।
यस्तै रामग्राम नगरपालिका कै वडा नं. ११, १२ र १३ का किसानको गुहुँवाली र तरकारीमा क्षतिपु¥याएको वडा नं. १३ का कृषक एवं समाजसेवी अवधराज यादवले बताउनु भयो । यसैवीच रामग्राम वडा नं. १० का कृषक देवेन्द्र चौधरीले कृषकको सपनामाथि असिनापानीले कुठाराघात गरेको बताउनु भयो । उहाले काट्नै लागेको गहुँ र बजारकालागि तयारी अवस्थामा रहेको तरकारीलाई क्षति गरेको बताउनु हुन्छ ।
रामग्राम १८ का एक कृषकले क्षति भएको गहुँखेती देखाउँदै चैत्र महिनामा वाढीनै आउने गरी असिनापानी आउनु अनौठौ भएको बताउनु भयो ।
प्रतापुर गाउँपालिकामा पनि गहुँवालीमा क्षति भएको छ । पाकेर काट्ने अवस्थाको गहुँबाली पुरै ढलेर नोक्सान भएको प्रतापपुर गाउँपालिका वडा नं. ६ का कृषक अंगद यादवले जानकारी दिनुभयो ।
यसैबीच असिनापानीले जिल्लामा कति अन्नवाली र तरकारीको क्षति पर्याएको छ भन्ने तथ्याङ्क आउन वाकी रहेको कृषि ज्ञान केन्द्रका प्रमुख रविन्द्रनाथ चौबेले बताउनु भयो ।
