बुझ्दैन सरकार किसानको पिडा

कृषि

Home
कृषि
बुझ्दैन सरकार किसानको पिडा

बुझ्दैन सरकार किसानको पिडा

काठमाण्डौं । देशभरका करिव ६ लाख दुग्ध किसानको करिव ४ अर्बभन्दा वढी बस्यौता भुक्तानी पाउन बाकी छ । यस्तोबेला शान्तिपूर्ण विरोध प्रदर्शनमा उत्रिएका दुग्ध किसानमाथि प्रहरीले काठमाडौंमा धरपकड गरेको छ । दुधको बक्यौता माग सहित विरोध प्रदर्शनमा उत्रिएका किसानमाथि प्रहरीले धरपकड गरेको हो ।

डीडीसी र निजी डेरीबाट गरी किसानले ४ अर्बभन्दा बढी बक्यौता उठाउन बाँकी छ । त्यसमध्ये डीडीसीले मात्र करिब २ अर्ब रुपैयाँ भुक्तानी दिनुपर्नेछ ।

केन्द्रीय दुग्ध उत्पादक सहकारी संघको नेतृत्वमा किसानहरूले दुग्ध विकास संस्थान (डीडीसी) घेराउ र तालाबन्दी कार्यक्रम गर्ने क्रममा प्रहरीले प्रदर्शनमा उत्रिएका केही किसानलाई पक्राउ पनि गरेको छ ।

पक्राउ गरेका किसानहरूलाई सोह्रखुट्टे र कालीमाटी लगायतका प्रहरी वृत्तमा राखिएको छ ।