सुनवलमा शैक्षिक गुणस्तरका लागि अभियान थालियाे

शिक्षा

Home
शिक्षा
सुनवलमा शैक्षिक गुणस्तरका लागि अभियान थालियाे

सुनवलमा शैक्षिक गुणस्तरका लागि अभियान थालियाे

नवलपरासी । शैक्षिक गुणस्तर सुधारकालागि सुनवल नगरपालिकाले विशेष अभियान शुरु गर्ने जनाएको छ । नगरपालिकाले शैक्षिक सुधारका लागि अभिभावक, विद्यार्थी र सरोकारवालहरुको सहयोग र सहकार्य बढाउन अभियान शुरु गरेको हो ।

‘हामी सुधार्छौं हाम्रो विद्यालय’ भन्ने नाराका साथ विद्यालय सुधारको अभियान शुरु गरिएको हो ।

सुनवलमा सामुदायिक विद्यालय व्यवस्थापन समिति महासंघको अगुवाईमा अभियानको सुरुवात गरिएको हो । विद्यार्थी अनुपातमा शिक्षक र भौतिक पुर्वाधारको विकास, सिकाई उपलब्धि वृद्धि, विद्यालयमा कार्यरत कर्मचारीको सरकारले तोके अनुसारको तलब सुविधा लगायतका विभिन्न योजनासहित अभियान सुरु गरिएको सामुदायिक विद्यालय व्यवस्थापन समिति महासंघ सुनवलका अध्यक्ष ज्ञानहरी अर्यालले बताउनु भयो ।

विद्यालय सुधारको अभियानलाई मूर्तरुप दिन बाबालबालिकाको लागि स्टेशनरी बैंक, गरीव तथा जेहेन्दार विद्यार्थीलाई छात्रवृत्ति कोष लगायतका १५ बुँदे प्रतिबद्धता समेत गरिएको छ । सुनवल नगरपालिकाकी नगर प्रमुख विमला अर्यालले सुनवललाई शैक्षिक हबको रुपमा विकास गर्न सवै सरोकारवालाको साथ र सहयोग हुनेमा विश्वस्थ रहेको बताउनु भएको छ ।

प्रकाशित मिति: सोमबार, वैशाख ३, २०८१ ०५:५७

प्रतिक्रिया दिनुहोस्