नवलपरासीका आर्ट्स उद्यमीहरु संगठीत, राजकुमार रेश्मीको अध्यक्षतामा सर्वसम्मत जिल्ला कमिटि चयन

कला/संस्कृति

Home
कला/संस्कृति
नवलपरासीका आर्ट्स उद्यमीहरु संगठीत, राजकुमार रेश्मीको अध्यक्षतामा सर्वसम्मत जिल्ला कमिटि चयन

नवलपरासीका आर्ट्स उद्यमीहरु संगठीत, राजकुमार रेश्मीको अध्यक्षतामा सर्वसम्मत जिल्ला कमिटि चयन

परासी । नवलपरासीका आर्ट्स उद्यमीहरु संगठीत भएका छन् । जिल्लाका सातै वटा स्थानीय तहका विभिन्न स्थानमा उद्यम गर्दै आएका आर्ट्स व्यवसायीहरु संगठीत भएका हुन् । नेपाल कमर्सियल आर्टिष्ट संघका केन्द्रीय उपाध्यक्ष कमलराज श्रेष्ठको उपस्थितिमा आर्ट्स उद्यमीहरुको परासीमा विहिवार सम्पन्न एक भेलाले १३ सदस्यीय सर्वसम्मत जिल्ला कमिटि निर्माण गरेको हो ।

रामग्राम नगरपालिका वडा नं. ५ मा राजु आर्ट्स एण्ड फ्यास प्रिन्टका सञ्चालक राजकुमार रेश्मी जिल्ला कमिटिको सर्वसम्मत अध्यक्ष बन्नु भएको छ । परासीमा लोकप्रिय उद्यमी एवं सफल संचारकर्मीको रुपमा परिचित रेश्मीलाई उद्यमीहरुको भेलाले सर्वसम्मत अध्यक्ष निर्वाचित गरेको हो ।

यस्तै जिल्ला कमिटिको उपाध्यक्षमा दशरथ कुमाल, सचिवमा धर्मेन्द्र चौधरी, कोषाध्यक्षमा प्रदीप चौधरी, सह सचिवमा सौगात रोक्का र सदस्यहरुमा क्रमशः देवेन्द्र चौधरी, कृष्ण चौधरी, मिननारायण थारू, मोहननाथ कंवर, दिपक चौधरी, सागर कुँवर, रामचन्द्र भण्डारी र रुद्रराज बस्नेत सर्वसम्मत चयन हुनु भएको हो ।

यस्तै नेपाल कमर्सियल आर्टिष्ट संघ नवलपरासीको सल्लाहाकारमा बरिष्ठ कलाकार मन गोल्डी र वरिष्ट कलाकार नरबहादुर वि.कलाई सल्लाहाकारमा मनोनित गरेको अध्यक्ष रेश्मीले जानकारी दिनु भयो ।