चित्रकला प्रतियोगितामा जनता मा.वि मनरीका विशाल हरिजन प्रथम

शिक्षा

Home
शिक्षा
चित्रकला प्रतियोगितामा जनता मा.वि मनरीका विशाल हरिजन प्रथम

चित्रकला प्रतियोगितामा जनता मा.वि मनरीका विशाल हरिजन प्रथम

परासी । परासी सूचना तथा सञ्चार सहकारी संस्था लि.द्धारा सञ्चालित सामुदायिक रेडियो परासी ९०.२ मेगाहर्जको आयोजना र सिन नवलपरासीको सहकार्यमा सम्पन्न भएको जिल्ला स्तरीय चित्रकला प्रतियोगितामा जनता माध्यमिक विद्यालय सरावलका विशाल हरिजन प्रथम हुनु भएको छ ।

यस्तै अरनिको मा.वि सुनवलका मोनु कहाँर द्वितीय र आदर्श मा.वि खोखरपुराका लिजासिंह फौज्दार तृतीय हुन सफल भएका छन् ।

२५ औं राष्ट्रिय सरसफाई सप्ताह २०८१ को अवसरमा सामुदायिक रेडियो परासीले जिल्ला स्तरीय चित्रकला प्रतियोगिता गरेको हो । “सफा धर्ती स्वस्थकर वानी, दिगो सरसफाई भविश्यको लगानी” भन्ने नारामा गरिएको चित्रकला प्रतियोगिताका पुरस्कृत विद्यार्थीहरुलाई सामुदायिक रेडियो परासीका संस्थापक अध्यक्ष सुमनगोपाल आचार्यले प्रमाण-पत्र तथा नगद पुरस्कार हस्तान्तरण गर्नु भएको हो ।

जिल्लाका कुल २४ जना सहभागीहरुको सहभागीता रहेको प्रतियोगिताको निर्णय वरिष्ठ कलाकार मन गोल्डी र प्रदीप चौधरीले गर्नु भएको सामुदायिक रेडियो परासीका अध्यक्ष राजकुमार रेश्मीेले जानकारी दिनु भयो ।