पाल्हीनन्दनको बसपार्क सञ्चालनमा आएपछि यातायात व्यवसायीमा खुसीयाली, परासीको बसपार्क पनि सुचारु गर्न माग

विकास निर्माण

Home
विकास निर्माण
पाल्हीनन्दनको बसपार्क सञ्चालनमा आएपछि यातायात व्यवसायीमा खुसीयाली, परासीको बसपार्क पनि सुचारु गर्न माग

पाल्हीनन्दनको बसपार्क सञ्चालनमा आएपछि यातायात व्यवसायीमा खुसीयाली, परासीको बसपार्क पनि सुचारु गर्न माग

परासी । पाल्हीनन्दन गाउँपालिका वडा नं. १ महेशपुरमा स्वर्गीय पृथ्वीराज कण्डेल बसपार्क सञ्चालनमा आएपछि यातायात व्यवसायीहरुमा खुसीयाली छाएको छ । यत्रतत्र अलपत्र हिसावले पार्किङ्ग गर्दा समस्या भइरहेको बेला बनेको बसपार्क सञ्चालनमा आएपछि निकै सजिलो भएको व्यवसायीहरुले बताएका छन् ।

दिनभरमा ६५ वटा साना र ठूला सवारी साधन छुट्ने बसपार्क सञ्चालनमा आउँदा यातायात व्यवसाय क्षेत्र व्यवस्थित भएको मध्य नेपाल यातायात व्यवसायी समितिका सचिव सन्जु थापाले बताउनु भयो ।

शनिवार नेपालका पूर्वप्रधानमन्त्री एवं नेपाली काँग्रेसका सभापति शेरवहादुर देउवाले एक भव्य कार्यक्रमका बीच स्व. पृथ्वीराज कण्डेल बसपार्कको उद्घाटन गर्नु भएको थियो । यस्तै सोही अवसरमा स्व. कण्डेलको अर्धकदको शालिकसमेत अनावरण गरिएको थियो ।

नेपाली काँग्रेसका केन्द्रीय सदस्य एवं पूर्व गृहराज्य मन्त्री देवेन्द्रराज कण्डेलको पहलमा शहरी विकास मन्त्रालयको १ करोड र पाल्हीनन्दन गाउँपालिकाको १३ लाखमा बसपार्कको निर्माण भएको कण्डेलका स्वकीय सचिव कमल किशोर राजमाझीले जानकारी दिनु भयो ।

यसैबीच यातायात व्यवसायीहरुले पाल्हीनन्दन १ महेशरपुरको बसपार्क सञ्चालनमा आए जस्तै रामग्राम ४ मा रहेको परासी बसपार्क पनि सञ्चालनमा ल्याउनु पर्नेमा जोड दिएका छन् । उनीहरुले बनेको बसपार्क सञ्चालनमा नआउने, सवारीसाधनहरु यत्रतत्र राख्नु पर्ने समस्याले परासी बजारको सौन्दर्यलाई घटाएको बताए । यातायात समितिका सचिव थापाले आउने जाने बाटो मर्मत र फराकिलो पारेर भएपनि रामग्राम नगरपालिकाले बसपार्कलाई सुचारु गर्नु पर्नेमा जोड दिनुभयो ।

Ban office