बडा दशैं घरघरमा भित्रिदै, नवलपरासीमा १ करोड वढीका दुर्गा मुर्ति स्थापना

कला/संस्कृति

Home
कला/संस्कृति
बडा दशैं घरघरमा भित्रिदै, नवलपरासीमा १ करोड वढीका दुर्गा मुर्ति स्थापना

बडा दशैं घरघरमा भित्रिदै, नवलपरासीमा १ करोड वढीका दुर्गा मुर्ति स्थापना

परासी । आज फूलपाती, दुर्गा भवानीको सातौं अवतार कालरात्रीको आराधाना गरी मनाईंदै छ । फूलपाती भित्र्याइएसँगै वडा दशैं २०८१ घरघर मा भित्रिएको छ । पाल्ही भगवती मन्दिरमा नेपाली सेनाको गोरख दलगण परासीले विहिवार विहान फूलपाती भित्र्याएको छ ।

टाढा टाढाबाट दशैंको टिका थाप्न आउने जानेको भिडभाड पनि छ । गाउँघरमा शहरबाट फर्किएका आफन्तहरुबीचको भेटघाट अनि जमघट पनि बाल्लो बन्दैछ । नवलपरासी जिल्लाका सातै वटा स्थानीय तहहरुमा दुर्गाको मुर्ति स्थापना गरी पुजा आराधना गर्ने र रमाइलो पनि गरिंदैछ ।

नवलपरासीका सातै वटा पालिकामा करिव ३१४ वटा दुर्गा मूर्ति स्थापना गरिएको अनुमान छ । एक वटा दुर्गा भवानीको मूर्ति २० देखि ४० हजार सम्ममा निर्माण गर्ने गरिएको छ । जसअनुसार यस बर्ष करिब १ करोड वढीका दुर्गा मूर्ति स्थापना भएको अनुमान छ ।

रामग्राम नगरपालिकामा करिव ८५ वटा, सुनवलमा १३ वटा, बर्दघाटमा १६ वटा, पाल्हीनन्दनमा ५० वटा, प्रस्तापुरमा ८० वटा र सुस्ता गाउँपालिकामा २० वटा दुर्गा भवानीको मूर्ति स्थापना भएको स्थानीयहरुले बताएका हुन् । यस्तै जिल्ला भर स्थापना भएका दुर्गा मन्दिरहरु असोज २७ गते दुर्गा भवानीको भव्य यात्रा सहित नजिकैका खोला तथा पोखरीहरुमा विसर्जन गर्ने तयारी गरिएको छ । स्थापना भएका दुर्गा मन्दिरहरुलाई दशैंको १० दिन पुजा आराधना गरी ११ औं दिनका दिन विशेष उत्सवको रुपमा विसर्जन गरिंदै आएको छ ।

यस बर्ष दशैंको टिका असोज शुक्ल दशमी अर्थात असोज २६ गते शनिवार परेको छ । नेपाल पञ्चाङ्ग निर्णायक विकास समितिका अनुसार ११ बजेर ३६ मिनेटमा उत्तम साइत रहेको छ ।

प्रकाशित मिति: बिहीबार, असोज २४, २०८१ ११:४२

प्रतिक्रिया दिनुहोस्