रामग्राम प्याब्सनद्वारा एसइइ बुष्ट-अप कार्यक्रम

शिक्षा

Home
शिक्षा
रामग्राम प्याब्सनद्वारा एसइइ बुष्ट-अप कार्यक्रम

एसइइ/विएलइ बुस्टअप तथा उत्प्रेरणा रामग्राम प्याब्सनद्वारा एसइइ बुष्ट-अप कार्यक्रम

परासी । एसइइ नजिकिंदै गर्दा परीक्षाको तयारीमा रहेका विद्यार्थीहरुलाई उत्प्रेरणा दिने उद्देश्यले रामग्राममा सोमबार एक कार्यक्रमको आयोजना गरिएको छ ।

निजी तथा आवाशिय विद्यालय अर्गनाइजेसन नेपाल (प्याब्सन) रामग्रामले रामग्राम नगरपालिका भित्रका संस्थागत विद्यालयका विद्यार्थीहरुका बीच कार्यक्रम आयोजना गरेको हो । एसइइ/विएलइ बुस्टअप तथा उत्प्रेरणा नाम दिइएको कार्यक्रममा संस्थागत विद्यालयका झण्डै साढे ३ सय विद्यार्थीहरुको सहभागिता रहेको थियो ।

रामग्राम प्याब्सनका अध्यक्ष बलिराम यादवको अध्यक्षता र प्याब्सनका केन्द्रीय सल्लाहाकार एवं परासी क्याम्पसका प्राचार्य सुमन गोपाल आचार्यको प्रमुख आतिथ्यमा कार्यक्रम गरिएको हो । सो अवसरमा प्राचार्य आचार्यले रामग्रामका विद्यार्थीहरुको शिक्षामा गुणस्तर ल्याउनु आफ्नो एक मात्र ध्यय भएको बताउनु भयो ।

सो अवसरमा शान्ति शिक्षा प्रा.लि.का प्रवन्ध निर्देशक एवं प्रशिक्षक इश्वर श्रेष्ठले सहजिकरण गर्नु भएको छ । एसइइको तयारीमा रहेका विद्यार्थीहरुलाई परीक्षा दिने तरीका, कार्ययोजना निर्माण, समय व्यवस्थापन, भावि योजनाका साथै उत्प्रेरणा प्रदान गरिएको प्रशिक्षक श्रेष्ठले बताउनु भयो ।

आज मंगलबार पनि रामग्राम नगरपालिका भित्रका संस्थागत विद्यालयमा कक्षा ८ मा अध्ययनरत विद्यार्थीहरुलाई प्रशिक्षण प्रदान गरिने प्याब्सन रामग्रामले जनाएको छ ।

Women Day 2025