होली आपसी मेलमिलाप र सदभावको पर्वः पूर्व मन्त्री प्रधान

कला/संस्कृति

Home
कला/संस्कृति
होली आपसी मेलमिलाप र सदभावको पर्वः पूर्व मन्त्री प्रधान

होली आपसी मेलमिलाप र सदभावको पर्वः पूर्व मन्त्री प्रधान

परासी । होली पर्वको अवसरमा रामग्राम जेसीज र रामग्राम महिला जेसीजले शुक्रवार संयुक्त रुपमा परासीमा होलि मिलन तथा शुभकामना आदान प्रदान कार्यक्रम सम्पन्न गरेका छन् ।

अध्यक्ष द्धय विष्णुराज राव र प्रिति अग्रहरीको अध्यक्षता र नवलपरासी क्षेत्र नं. २ का प्रतिनिधि सभा सदस्य एवं पूर्व कानून मन्त्री ध्रुवबहादुर प्रधानको प्रमुख आतिथ्यमा कार्यक्रम गरिएको हो ।

सो अवसरमा पूर्व मन्त्री प्रधानले होली असत्य माथि सत्यको जीत, विभिन्न रङ्गको पर्व, बसन्त ऋतुको आगमन र समाजमा भाइचारा, आपसी मेलमिलाप र सदभाव जस्ता महत्वपूर्ण पक्षहरु जोडिएर मनाईने पर्व भएकोले यसको महत्व सदियौंदेखि रहदै आएको बताउनु भयो । पूर्वमन्त्री प्रधानले होलीले सकारात्मक उर्जा, हर्ष र उत्साह फैलाउनेमा विश्वास पनि व्यक्त गर्नु भयो ।

कार्यक्रममा एक आपसमा विभिन्न रंगहरुको साटासाट गरी होलि पर्व मनाएको छ । सो अवसरमा रामग्राम नगरपालिकाकी कार्यवाहक नगरप्रमुख संझना चौधरी, उपभोक्ता हित संरक्षण मंचका केन्द्रीय सदस्य रामजी ज्ञवाली, रामग्राम जेसीजका संस्थापक अध्यक्ष श्यामकुमार वश्याल, उद्योग वाणिज्य संघ नवलपरासीका बरिष्ठ उपाध्यक्ष नगेन्द्र अग्रहरी लगायतले शुभकामना व्यक्त गर्नु भएको थियो ।

Lumbini government