वैशाख ११ गतेदेखि हुने भनिएको कक्षा १२ को परीक्षा स्थगित

शिक्षा

Home
शिक्षा
वैशाख ११ गतेदेखि हुने भनिएको कक्षा १२ को परीक्षा स्थगित

वैशाख ११ गतेदेखि हुने भनिएको कक्षा १२ को परीक्षा स्थगित

परासी । राष्ट्रिय परीक्षा बोर्डले कक्षा १२ को परीक्षा अन्तिम समयमा आएर स्थगित गरेको छ। शिक्षकहरूको काठमाडौँ केन्द्रित आन्दोलन निष्कर्षमा पुग्न नसकेपछि अन्तिम समयमा आएर कक्षा १२ को परीक्षा स्थगित भएको हो।

परीक्षा अब वैशाख २१ गतेदेखि सञ्चालन गरिने राष्ट्रिय परीक्षा बोर्डका परीक्षा नियन्त्रक कृष्ण शर्माले जानकारी दिनुभयो। प्रधानमन्त्री केपी शर्मा ओलीले परीक्षा सार्न निर्देशन दिनुभएको थियो।

यसअघि कर्मचारी खटाएर परीक्षा सञ्चालन गर्ने भनेपछि २२ दिनदेखि आन्दोलन मा रहेका नेपाल शिक्षक महासंघले केन्द्रध्यक्ष, प्रधानाध्यापक, शिक्षक र विद्यालय कर्मचारीलाई परीक्षा बहिष्कार गर्दै आन्दोलनमा सहभागी हुन काठमाडौँ बोलाएको छ।

विगत २२ दिनदेखि शिक्षकहरूले काठमाडौँ केन्द्रित आन्दोलन जारी राखेकै अवस्थामा शिक्षामन्त्री विद्या भट्टराईले राजीनामा दिएपछि परीक्षा अन्योलमा परेको थियो ।

प्रकाशित मिति: बुधबार, वैशाख १०, २०८२ ०५:४५

प्रतिक्रिया दिनुहोस्