अमरज्योती आधारभूत विद्यालयमा छात्रवृत्ति वितरण र अक्षयकोष स्थापना

शिक्षा

Home
शिक्षा
अमरज्योती आधारभूत विद्यालयमा छात्रवृत्ति वितरण र अक्षयकोष स्थापना

अमरज्योती आधारभूत विद्यालयमा छात्रवृत्ति वितरण र अक्षयकोष स्थापना

सुनवल । नवलपरासीको सुनवल नगरपालिका वडा नं. ८ स्थित अमरज्योती आधारभूत विद्यालयले शुक्रबार छात्रवृत्ति वितरण र अक्षयकोषको स्थापना गरेको छ । विद्यालय परिवार र अभिभावकहरुको उपस्थितिमा छात्रबृत्ति र अक्षयकोषको स्थापना गरिएको विद्यालयले जनाएको हो ।

शिक्षक अभिभावक संघका अध्यक्ष सानुबाबु श्रेष्ठको अध्यक्षता र सुनवल नगरपालिका वडा नं. ८ का अध्यक्ष देउबहादुर गुरुङ्गको प्रमुख आतिथ्यमा कार्यक्रम गरिएको हो ।

कार्यक्रममा विद्यालयमा अध्ययनरत ४१ जना विद्यार्थीहरुलाई ४ सयका दरले १६ हजार ४०० छात्रबृत्ति प्रदान गरिएको विद्यालयका प्रधानाध्यापक हरिकुमार ढकालले जानकारी दिनु भयो । उहाँले छात्रा तथा दलित विद्यार्थीहरुलाई नेपाल सरकारले प्रदान गर्ने छात्रवृत्ति प्रदान गरिएको बताउनु भयो । कक्षा १ देखि ५ सम्मका विद्यार्थीहरुलाई छात्रवृत्ती दिइएको हो ।

कार्यक्रममा अक्षयको शुरुवात १ लाखबाट गरिएको र यसलाई आगामी दिनमा बढाउँदै लैजाने बताइएको छ । आजै नवलपरासी सेवा समाज युएईबाट ५१ हजारको चेक विद्यालयलाई हस्तान्तरण गरिएको समाजका आजिवन सदस्य युवराज पुनले जानकारी दिनु भयो । अक्षयकोष बृद्धिका लागि झण्डै २ लाखको बोलकबुल भएको तर रकम आईनपुगेको विद्यालयले जनाएको छ ।

कार्यक्रममा प्रधानाध्यापक हरि कुमार ढकालले विद्यालयको प्रगति, विद्यार्थीहरुलाई प्रदान गरिएको छात्रबृत्ती र अक्षय कोष सञ्चालनका बारेमा प्रकाश पार्नु भएको कार्यक्रम सञ्चालन एवं सहायक प्रधानाध्यापक कविता क्षेत्रीले जानकारी दिनुभयो ।

प्रकाशित मिति: शनिबार, जेठ १०, २०८२ ०६:१५

प्रतिक्रिया दिनुहोस्