जनसेवा विद्यालय सुनवलको विद्यालय व्यवस्थापन समितिको अध्यक्षमा न्यौपाने सर्वसम्मत

शिक्षा

Home
शिक्षा
जनसेवा विद्यालय सुनवलको विद्यालय व्यवस्थापन समितिको अध्यक्षमा न्यौपाने सर्वसम्मत

जनसेवामा न्यौपाने सर्वसम्मत जनसेवा विद्यालय सुनवलको विद्यालय व्यवस्थापन समितिको अध्यक्षमा न्यौपाने सर्वसम्मत

परासी । सुनवल नगरपालिका स्थित जनसेवा माध्यमिक विद्यालय विशासयको विद्यालय व्यवस्थापन समितिमा लेखनाथ न्यौपाने सर्वसम्मत अध्यक्ष बन्नु भएको छ । यसअघि भदौ २१ गते सम्पन्न अभिभावक भेलाले ४ जना प्रतिनिधिहरू छानेको थियो । भेलाले हेमराज पौडेल, लेखनाथ न्यौपाने, सबिना नेपाली र मधु पौडेल क्षेत्रीलाई प्रतिनिधिको रुपमा छनौट गरेको हो ।

त्यसलगत्तै छनौट भएका सदस्यहरू मध्ये जेष्ठ सदस्य हेमराज पौडेलको अध्यक्षतामा बसेको बैठकले थप दुई जना अभिभावकलाई मनोनित गरेको थियो । मनोनित हुने अभिभावकहरूमा कमला न्यौपाने र जितबहादुर बुढाथोकी रहनु भएको छ ।

भदौ २१ गते अभिभावक भेलाबाट छनौट भएका ४ र पछि मनोनित भएका २ जना गरी ६ जनाको बैठक जेष्ठ सदस्य हेमराज पौडेलको अध्यक्षतामा आइतबार सम्पन्न भएको हो । समितिमा २ जना विद्यार्थीहरूका प्रतिनिधि, १ जना वडाध्यक्ष, १ जना प्रधानाध्यापक, १ जना शिक्षक प्रतिनिधि र २ जना उद्योगी व्यवसायी संगठनका प्रतिनिधिहरू सहितको १३ सदस्यीय रहने व्यवस्था गरिएको छ ।

सम्पन्न बैठकले जनसेवा माध्यमिक विद्यालय व्यवस्थापन समितिको अध्यक्षमा न्यौपानेलाई सर्वसम्मत छनौट गरेको विद्यालयका सहायक प्रधानाध्यापक एवं सूचना अधिकारी चन्द्रकान्त पाठकले नेपाली चेली अनलाईनलाई जानकारी दिनुभयो ।

विद्यालय व्यवस्थापन समिति आगामी ३ बर्षका लागि बनेको छ । विद्यालयमा हाल प्लस टु शिभिल इन्जिनियरिङ्ग (प्राविधिक धार) अध्यापन हुँदै आएको छ । विद्यालयका सूचना अधिकारी पाठकका अनुसार हाल विद्यालयमा ९ सय जना विद्यार्थीहरू अध्ययनरत छन् भने ५८ जना शिक्षकहरूले अध्यापन गराईरहनु भएको छ ।