दिव्यज्योती क्याम्पस विद्यार्थीहरुको उच्च शिक्षाको महत्वपूर्ण शैक्षिक केन्द्रः क्याम्पस कार्यवाहक अध्यक्ष दर्लामी

शिक्षा

Home
शिक्षा
दिव्यज्योती क्याम्पस विद्यार्थीहरुको उच्च शिक्षाको महत्वपूर्ण शैक्षिक केन्द्रः क्याम्पस कार्यवाहक अध्यक्ष दर्लामी

नयाँ भर्ना भएका कक्षा ११ का विद्यार्थीहरुलाई स्वागत दिव्यज्योती क्याम्पस विद्यार्थीहरुको उच्च शिक्षाको महत्वपूर्ण शैक्षिक केन्द्रः क्याम्पस कार्यवाहक अध्यक्ष दर्लामी

नेपाली चेली बिहीबार, असोज ३०, २०८२

चेली सम्वाददाता, बर्दघाट । दिव्य ज्योति वहुमुखी क्याम्पस बर्दघाटकी कार्यवाहक अध्यक्ष दया दर्लामीले क्याम्पस विद्यार्थीहरुको उच्च शिक्षाको महत्वपूर्ण शैक्षिक केन्द्र भएको बताउनु भएको छ । उहाँले बिहिवार सम्पन्न नयाँ विद्यार्थीहरुको स्वागत कार्यक्रमलाई सम्बोधन गर्ने क्रममा यस्तो बताउनु भएको हो ।

क्याम्पसमा कक्षा १२ का विद्यार्थीहरुले नयाँ भर्ना भएका कक्षा ११ का विद्यार्थीहरुलाई एक कार्यक्रमका बीच स्वागत गरेका छन् । होटल लण्डनब्रीजमा भएको कार्यक्रममा नयाँ विद्यार्थीहरुलाई स्वागत गरिएको हो ।

कक्षा १२ का छात्र साजन श्रेष्ठको अध्यक्षता र क्याम्पसका कार्यवाहक अध्यक्ष एवं पूर्व वडाध्यक्ष दर्लामीको प्रमुख आतिथ्यमा कार्यक्रम गरिएको हो ।

कार्यक्रममा क्याम्पस सञ्चालक समितिका सदस्य प्रदिप सुवेदी, क्याम्पस प्रमुख सागरमणी पाण्डे, सहायक क्याम्पस प्रमुख दिपक खड्का, विविए तेश्रो सेमेष्टरमा नेपाल प्रथमहुन सफल सुष्मा रेग्मी, कक्षा १२ की छात्रा रेजिना रिजाल लगायतले शुभकामना व्यक्त गर्नु भएको कार्यक्रम सञ्चालक सिम्रन थापा मगरले नेपाली चेली अनलाईनलाई जानकारी दिनुभयो ।

क्याम्पसमा कक्षा १२ मा एक सय ६७ जना र कक्षा ११ मा २ सय १८ जना विद्यार्थीहरु अध्ययनरत रहेको क्याम्पस प्रशासनले जनाएको छ ।

प्रकाशित मिति: बिहीबार, असोज ३०, २०८२ १९:०६

प्रतिक्रिया दिनुहोस्