सरकारले पूर्वाग्रह र प्रतिशोधपूर्ण ब्यवहार गर्योः एमाले अध्यक्ष ओली

राजनीति

Home
राजनीति
सरकारले पूर्वाग्रह र प्रतिशोधपूर्ण ब्यवहार गर्योः एमाले अध्यक्ष ओली

सरकारले पूर्वाग्रह र प्रतिशोधपूर्ण ब्यवहार गर्योः एमाले अध्यक्ष ओली

काठमाडौं । नेकपा एमालेका अध्यक्ष एवं पूर्वप्रधानमन्त्री केपी शर्मा ओलीले सरकारले पूर्वाग्रह र प्रतिशोधपूर्ण रूपमा फौजदारी अभियोग लगाएर १३ दिनसम्म गैरकानुनी रूपमा नियन्त्रणमा राखिएको आरोप लगाउनु भएको छ । उहाँले अन्ततः प्रमाण नपुगेपछि रिहा गरिएको बताउनु भयो ।

रिहा भएसँगै अध्यक्ष ओलीले आफ्नो रिहाइका लागि आवाज उठाउने न्यायप्रेमी सर्वसाधारण, कानुन व्यवसायी, न्यायकर्मी, विभिन्न राजनीतिक दलका नेता तथा सञ्चारकर्मीप्रति आभार व्यक्त गर्नु भयो । उहाँले परमादेश जारी गर्ने सर्वोच्च अदालतप्रति उच्च सम्मान प्रकट गर्नुभएको छ ।

अध्यक्ष ओलीले सामाजिक सञ्जाल फेसबुकमा स्टाटस लेख्दै प्रहरी नियन्त्रणमा रहँदा मानवीय व्यवहार गर्ने प्रहरी प्रशासन तथा उपचारमा संलग्न त्रिवि शिक्षण अस्पतालप्रति पनि कृतज्ञता व्यक्त गर्नुभयो ।

उनले आफ्नो रिहाइको माग गर्दै आन्दोलन गर्ने क्रममा घाइते भएका व्यक्तिहरूको शीघ्र स्वास्थ्यलाभको कामना गर्दै उपचार खर्च राज्यले बेहोर्नुपर्ने बताउनु भयो । सो घटनामा राज्य उदासीन भए नेकपा एमाले पार्टीले खर्च व्यहोर्ने समेत जानकारी दिनु भयो ।

हाल स्वास्थ्य अवस्था प्रतिकूल रहेकाले केही दिन अस्पतालमै उपचार गराउने उल्लेख गर्दै उनले पार्टीका नेता–कार्यकर्ता तथा शुभेच्छुकहरूप्रति पनि आभार व्यक्त गरेका छन्।