शैक्षिक सत्र शुरु भएको तिन महिना बित्दा पनि पाएनन् विद्यार्थीले पुस्तक

शिक्षा

Home
शिक्षा
शैक्षिक सत्र शुरु भएको तिन महिना बित्दा पनि पाएनन् विद्यार्थीले पुस्तक

शैक्षिक सत्र शुरु भएको तिन महिना बित्दा पनि पाएनन् विद्यार्थीले पुस्तक

प्रकाश न्यौपाने ,

पश्चिम नवलपरासीको बर्दघाट नगरपालिकामा पढ्ने विद्यार्थीले शैक्षिक सत्र सुरु भएको ३ महिना बितिसक्दा पनि अझै पाठ्यपुस्तक पाएका छैनन् । नेपालको संविधान २०७२ को धारा ३१ मा शिक्षालाई मौलिक हक भनेर व्यवस्था गरेको छ। तर शैक्षिक सत्र शुरु भएको ३ महिना बित्दासमेत नवलपरासीको बर्दघाटमा विद्यार्थीहरूले नया पाठ्यपुस्तक पाउन सकेका छैनन्।

यस वर्षको शैक्षिक सत्र बैशाखको १ गते शुरु भए पनि यहाँका आधारभूत तहका विद्यार्थीले पाठ्यपुस्तक पाउन सकेका छैनन् । नयाँ शैक्षिक सत्र सुरु भएसङ्गै बैशाखमा नै पाठ्यपुस्तकको माग गरिएपनी अहिले सम्म आएको छैन शिरोमणि प्राथमिक विद्यालयकि प्राध्यानाध्यपक सरस्वती खनाल यादवले बताउनु भयो । उहाँ भन्नुहुन्छ-" मैले धेरै पटक किताब आयो कि भनेर शिक्षा शाखामा बुझे अब केहि दिनमा आउछ भन्नू भएको छ ।" पटक पटक नगरमा विद्यार्थीहरुको खबर गर्दा पनि नगरले अबको केही दिनमा आउछ भन्ने गरेको छ । शैक्षिक सत्र सुरु भएको ३ महिना बितिसक्दा पनि नगरको केहि दिन आएको भने छैन ।

बर्दघाट नगरपालिकाले शैक्षिक सत्रको सुरुवातमा नै विद्यार्थी संख्या विद्यालयहरु सङ्ग माग गरेको थियो । बैशाखमा नै विद्यार्थीको हात हातमा पाठ्यपुस्तक पुर्‍याउने गरि काम गरिएको सामाजिक बिकास समितीका संयोजक भिमकाजी गुरुङले बताउनु भयो । उहाँ भन्नुहुन्छ-" हामीले शैक्षिक सत्रको सुरुबातमा नै विद्यार्थीको हात हातमा पाठ्यपुस्तक पुर्‍याउने हिसाबले काम गरेका थियौं । शैक्षिक सत्र सुरु भएको तीन महिना बितिसक्दा पनि विद्यार्थीले किन पाठ्यपुस्तक पाएनन् म तुरुन्त शिक्षा शाखामा बुझ्छु ।" शिक्षकहरुले पटक पटक नगरमा गएर विद्यार्थीहरुले पुस्तक नपाएको गुनासो गर्दा नगरको शिक्षा शाखाले भने तेति चासो नदिएको देखिएको छ ।

सबै विद्यार्थीले पाठ्यपुस्तक पाएको शिक्षा शाखा प्रमुख लोकराज पन्थीले बताउनु भयो । उहाँ भन्नू हुन्छ-" सबै विद्यार्थीले पाठ्यपुस्तक पाएका छन त्यस्तो कोहि छुटेको छ भने म बुझ्छु ।" पन्थीले सबै विद्यार्थीले पुस्तक पाएको बताए पनि बर्दघाट ४ मा रहेको न्यु लाइफ माध्यमिक विद्यालय, शिरोमणि प्राथमिक विद्यालय र माउण्ट एभरेस्ट माध्यमिक विद्यालयमा विद्यार्थिले पाठ्यपुस्तक पाएका छैनन् । न्यु लाइफमा कक्षा ३ का १ सय ३ जना मध्ये २१ जनाले मात्रै पाएका छन भने ८२ जनाले पाउन बाकी छन त्यस्तै शिरोमणिमा कक्षा २ का २६ जना, माउण्ट एभरेस्टमा कक्षा ४ का ४० जना विद्यार्थीले स्थानीय पाठ्यपुस्तक हाम्रो बर्दघाट पाएका छैनन् ।

पटक पटक नगरमा पाठ्यपुस्तकका बिषयमा बुझेको माउण्ट एभरेस्ट विद्यालयका निवर्तमान प्राध्यानाध्यापक सन्जय ढुंगानाले बताउनु भयो । उहाँ भन्नुहुन्छ -"दुई हप्ता अगाडि नगरमा गएर पाठ्यपुस्तकको बिषयमा बुझेको अहिले सम्म आएको छैन । दुई चार दिनमा नै आउछ भन्नू भएको अहिले १५/१६ दिन भो अहिले सम्म पनि आएको छैन ।"

प्रकाशित मिति: शुक्रबार, साउन ५, २०८० १०:०७

प्रतिक्रिया दिनुहोस्